Start 45:16 - Hawaii Pidgin Bible

¹⁶ Ova dea wea Pharaoh get his palace, dey hear bout Joseph an his braddahs. Dey tell, “Joseph, he get braddah guys, an dey stay come hea awready.” Da Pharaoh guy, he feel good inside cuz a dat, an even da guys dat work fo him, same ting.

Start 45:16 交叉參考

Jesus Guys 7:13

Da nex time dey go Egypt side, da guy Joseph tell his braddahs who him, an den Pharaoh hear bout Joseph ohana.

Jesus Guys 6:5

Erybody dea like wat Jesus guys tell. So dey pick Stephen, one guy dat fo real kine trus God an get da Good An Spesho Spirit in charge a him, an Philip, Prochorus, Nicanor, Timon, Parmenas, an Nicolas from Antiok, da one dat no was Jew but wen come jalike one Jew.

Esther 5:14

Zeresh, Haman wife, an all his frenz tell him, “Go tell somebody put up one long sharp pole 75 feet high, fo poke thru Mordecai body, an in da morning tell da king fo tell his guys poke Mordecai wit da pole. Den go wit da king to da dinna, an feel good inside.” Haman like dat plenny. He tell his guys fo put up da pole fo poke Mordecai an kill um.

Esther 2:4

Den da one dat da king like da mostes can come queen, cuz Vashti not da queen no moa.” Da king like wat his guys tell him, az why he do dat.

Esther 1:21

Da king an his alii guys like wat Memucan tell, so da king do wat Memucan tell him fo do.

2 Records 30:4

Da king an all da peopo like da plan, cuz az was da right ting fo do.

2 Samuel 3:36

All da army guys see wat David do, an dey tink az good da way dey see um. Fo shua, eryting da king do, look good to dem.

Rules Secon Time 1:33

Da One In Charge wen go in front you guys inside one fire nite time, an inside one cloud day time. He even look fo you one place wea you guys can make camp nite time! Az how he show you guys wea fo go.

Start 41:33

“Az why, Pharaoh, dis wat you gotta do. You gotta go find one guy dat can figga out tings an know wat fo do erytime, an make dat guy da one in charge a da Egypt land.

Start 34:18

Hamor an his boy Shekem, real fas dey tink, az one good deal dat.

Start 20:15

Abimelek tell Abraham, “Look. I get plenny land dis side fo you live any odda place you like.”

Start 16:6

Abram tell Sarai, “Eh! You da one own her, not me! Go do wateva you like, den.” From dat time, Sarai make any kine to Hagar, an Hagar run away from Sarai.

Start 45:15

Den Joseph kiss all his braddah guys an cry wen he hug um. An afta dat, Joseph an his braddah guys talk story plenny togedda.

Start 45:17

Da Pharaoh guy, dass da king, he tell Joseph, “Tell yoa braddah guys dis: ‘Dis wat you guys gotta do. Put yoa stuffs on top yoa donkeys. Go Canaan side real fas.

Start 41:37

Da Pharaoh guy, he like da plan dat Joseph make. Same ting fo all da guys dat work fo da king, dey like um too.