Start 39:7 - Hawaii Pidgin Bible

⁷ So afta Joseph do all dat kine stuff, an cuz he good looking, Potifar wife wen like him. She tell um, “Come! We go lay down togedda.”

Start 39:7 交叉參考

2 Samuel 13:11

But wen she take um by him fo him eat, he grab her, an tell, “Eh, my sistah! Go come, we go make da kine!”

2 Peter 2:14

Dey ony like check out da wahines fo try make um fool aroun behind dea husban back. Dey buckaloose fo do bad kine stuff. Dey stay look fo peopo dat ony trus God litto bit fo dem try make um do bad kine stuff. Dey ony good fo make peopo come mo an mo greedy. God goin punish dem fo shua!

Ezekiel 16:34

So wen you fool aroun, you no take money jalike da odda hoaz dat get pay fo dat. Da guys no come look fo you, you go look fo dem! You pay dem, an dey no pay you!

1 John 2:16

You guys know all da bad kine stuff dat get inside dis world: Peopo do wat dey like do cuz dass how dey stay. Dey like get wateva look good to dem. An dey like get da kine stuff fo show off too. All dat no come from da Faddah, but come from dis world.

Matthew 5:28

But I stay tell you guys dis: Whoeva look at one wahine an like fool aroun her, he do um awready inside.

Ezekiel 16:32

“ ‘You Jerusalem peopo, you jalike one wife dat fool aroun, an you like guys you donno, mo den you like yoa husban (az me, Da One In Charge, you know)!

Job 31:1

“I wen make one strong promise, Dat no ways I goin check out any young wahine an like sleep wit her,

Ezekiel 16:25

At da end a ery street, you make one sacrifice place fo da odda gods an come pilau cuz a dat. Dis make you come ugly, no matta befo time you look nice. You open up yoa legs fo all dem dat pass by dea, an you fool aroun mo an moa.

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Smart Guys 7:13

So dat wahine, she come out grab da young guy an kiss um, An she no mo shame wen she talk to him!

Smart Guys 5:9

Cuz if you hang out wit her, Bumbye you goin lose da bestes time in yoa life, An give um away to odda peopo. Den her husban goin hurt you, An make you suffa da res a yoa life.

Smart Guys 2:16

“Wen you know wat fo do, You no goin fool aroun da wahines dat not yoa wife. Wen da kine wahines try talk nice kine to you, You no goin lissen.

Songs 119:37

Make shua I no even like look At da wase time kine tings. Give me da real kine life, Da way you wen promise fo do.

Start 6:2

Had guys jalike gods dat wen check out da daughtahs dat born to da peopo. Dey see dat da wahines was good looking, an dey pick da ones dey like fo marry.

Smart Guys 1:10

I tell my boy, “Eh lissen up! If some pilau buggahs try make you come wit dem, Jus go tell um, you no like.

Smart Guys 6:26

Cuz da wahines dat fool aroun fo money, Dey ony charge enuff fo buy food, dass it. But wen da wahine dat awready get husban try come get you, You goin lose da mos expensive ting you get—yoa life, Dass wat she fo real kine goin do!