Start 39:4 - Hawaii Pidgin Bible

⁴ Az why Potifar like Joseph plenny. He make Joseph his right hand guy. He put um in charge a eryting inside da house dea, an eryting he get.

Start 39:4 交叉參考

Jesus Guys 20:28

Make shua you leada guys live da way God like you fo live. An take kea all da peopo dat da Good An Spesho Spirit give you guys fo take kea. You guys gotta take kea da church guys jalike one sheep guy take kea his sheeps. Cuz Da One In Charge, Jesus, wen bleed an mahke fo make dem come God kids.

Smart Guys 27:18

If you da one take kea one fruit tree, Den you goin eat da fruit. An you da one take kea yoa boss, Den you goin get respeck fo dat.

Start 39:8

But Joseph, he no like. He tell, “No way! Cuz my boss put me in charge a eryting in da house. He trus me wit eryting he own.

Start 24:2

One time, Abraham tell da oldes guy dat work fo him fo come. Dat guy, da luna in charge a all Abraham stuffs. Abraham tell um, “I like you put yoa hand undaneat my thigh, da way oua peopo do wen dey make one strong promise.

Start 19:19

You wen like help me, an I jalike yoa slave guy, an you wen stay tight wit me plenny, an cuz a you I stay alive still yet. But me, no way I can run all da way mauka side fo dis horraz ting catch me an kill me.

Smart Guys 22:29

Wen you spock somebody Dat know how fo do his work real good, Dat guy, goin work fo da king guys, Not fo da kine guys dat nobody know.

Smart Guys 17:2

Wen one akamai guy come one slave fo one ohana, An if one a da boys from dat ohana make shame fo dem, Da slave guy goin come da boss fo dat boy. Wen da faddah guy mahke, Dat slave guy goin get da same kine share Jalike da odda boys, From wat da faddah leave.

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Start 33:10

Jacob tell Esau, “But try take dis present dat I stay give you cuz I like you stay good to me. Cuz erytime I look you, jalike I look God face, cuz you take me in wit aloha.

Start 18:3

He tell da leada guy, “Eh mista, I jalike yoa slave guy. If you like, try stay hea litto bit. Let me give you someting fo eat befo you hele on.

Smart Guys 14:35

Da govmen guy dat do one good job, Da king like dat kine. Da govmen guy dat make him come shame, Da king, he no goin take dat.

1 Samuel 16:22

Den Saul sen messenjas by Jesse, an tell, “Try let David stay hea fo work fo me, cuz da way I see um, he one real good guy.”

Start 33:8

Esau tell Jacob, “All da bunch animals I wen meet awready, dass yoas ones too, o wat?” Jacob tell um, “Yeah. I wen sen dem by you fo one present, fo you make good to me cuz you da boss.”

Start 32:5

An now, I get plenny cows, donkeys, sheeps, an goats, plus slave guys an wahines dat work fo me. I sen dese messenja guys to you cuz you my boss, fo tell you I stay come an fo you make us feel good.” ’ ”

Start 15:2

Abram tell, “You my Boss, you Da One In Charge. But ony wase time fo you give me plenny stuffs. Cuz bumbye wen I mahke, I no mo kids, an da ony one dat goin get my stuffs goin be one a da worka guys born fo work fo me, da guy Eliezer from Damascus town.

1 Kings 16:9

One guy Zimri, one a da palace guys fo Elah dat stay in charge a half da war wagons, make one plan fo kill Elah. Dat time, Elah go Tirzah side, Arza house, da guy dat stay in charge a da Tirzah palace, an he stay drink an come piloot ova dea.

Ruth 2:6

Da luna guy tell, “Her, da Moab wahine dat come hea wit Naomi, da time Naomi come back from ova dea.

1 Samuel 2:26

Same time, da boy Samuel stay grow mo an moa. An Da One In Charge an da peopo tink good stuff bout Samuel.

Esther 2:9

Hegai like Esther plenny, an he do plenny nice tings fo her. He tell da helpa wahines fo make her come mo pretty still yet, an make spesho food dass ony fo her. He pick seven young wahines from King Xerxes palace fo take kea her. He move Esther an her wahines to da bestes place inside wea all da wahines stay.

Smart Guys 3:4

An God, he like wen you do all dat, An peopo same ting dey like dat. An bumbye, erybody goin know you one good guy, An God, he goin know dat too.