Start 3:8 - Hawaii Pidgin Bible

⁸ Dat day, wen da sun goin go down an da wind start fo blow, da guy an his wife hear one noise. Was God, Da One In Charge! He stay walk aroun inside da place wea he plant da trees. Dey go hide behind da trees inside dea fo God, Da One In Charge, no see um.

Start 3:8 交叉參考

Jeremiah 23:24

If somebody go hide inside one place nobody know, You tink I no can see um, o wat?! But me, I fill up da sky an da earth!” Az wat Da One In Charge tell.

Smart Guys 15:3

Da One In Charge, he see eryting. He see wat da bad kine peopo do, An da good kine peopo do.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

Rome 2:15

How dey ack, dat show dey get da Rules From God right dea inside dem. Inside dey know bout wat dey do wen dey tink wat stay right an wat stay wrong.

Start 3:10

Da guy tell, “I wen hear you, ova dea inside dis place. I sked, cuz I naked! Az how come I go hide.”

Jonah 1:3

But Jonah, he no lissen. He go da odda way fo dig out from Da One In Charge fo go Tarshish side (dass Spain, you know). He go down Joppa boat harbor an find one big boat dat goin go Tarshish. He pay da money fo go, an he go on top da boat fo go Tarshish wit da saila guys. He figga he can go far away from Da One In Charge.

Job 31:33

If I cova ova da bad kine stuff dat I do, Jalike plenny peopo hide um— But I no do dat kine stuff! An if I wen know dat I get da blame, An still hide um inside— But I no mo blame!

Job 38:1

Den Da One In Charge ansa back Job from inside one real strong wind storm. He tell:

Rules Secon Time 23:14

Cuz yoa God, Da One In Charge, stay walk aroun inside yoa camp fo take kea you guys, fo you guys win agains da peopo dat stay agains you. Yoa camp gotta stay spesho fo Da One In Charge. If he see you do shame kine stuff ova dea, he goin tell “Laytas” to you guys.

Rules Secon Time 5:25

So, how come we gotta mahke?! Cuz dis big fire can wipe us guys out! Oua God, dass Da One In Charge a us—if us gotta hear his voice one mo time still yet, fo shua us goin mahke!

Rules Secon Time 4:33

No mo nobody eva hear God stay talking from inside da fire jalike you guys wen hear, an still yet dey stay alive!

Job 22:14

Da tick kine clouds hide him, Fo him no see us guys, Wen he walk inside da mos high place in da sky.’

Jesus Show 6:15

Den erybody all ova da world, da king guys, da odda leadas, da army bosses, da rich peopo, da guys dat get powa, an all da slave guys, an da guys dat not slaves, dey all go hide inside da caves, an unda da rocks on top da mountains.

Start 18:33

Afta Da One In Charge pau talk wit Abraham, he hele on Sodom town. Abraham, he go back his place.

Prieses 26:12

I goin stay walk aroun inside dea wit you guys, an come yoa God, an you guys goin come my peopo.

Hosea 10:8

Da sacrifice places on top da hills nea Bet-Aven— Dat mean “house wea peopo do wass wrong”— Dey goin come wipe out. Az wea da Israel peopo stay do da real bad kine stuff. Thorns an da kine weed dat make yoa skin itchy Goin grow ova dea an cova dea altars. Den da peopo goin tell da mountains, “Proteck us!” An tell da hills, “Fall down on top us!”