Start 21:7 - Hawaii Pidgin Bible

⁷ Cuz you know, befo time nobody tink I can born one bebe. Dey no tink dey goin tell Abraham, ‘Eh! Sarah get yoa bebe fo breas feed!’ But now, I stay born one boy fo Abraham wen he ol awready!”

Start 21:7 交叉參考

Isaiah 66:8

Nobody hear bout dat kine ting befo time! Nobody see dat kine stuff befo time! No can born one whole country in one day! No can make one peopo in one minute! But da Jerusalem peopo on top Mount Zion, Dey jalike one wahine, wen her bebes ready fo come, An she born um real fas.

2 Tessalonika 1:10

All dat goin happen wen Jesus, Da One In Charge a us guys, come back. Dat time, erybody goin know how awesome he stay, cuz he goin stay tight wit da peopo dat stay spesho fo him. An all da peopo dat wen trus him, dey goin tell, “Wow!” Same ting goin happen fo you guys, cuz you guys wen trus da stuff we wen tell you bout him.

Efesus 3:10

But now, God like use his church peopo fo show all da leada guys an all da guys wit powa dat stay inside da sky, dat God know wat fo do bout eryting fo real kine.

Census 23:23

No can put kahuna on top da Jacob peopo. No can find out from da odda gods How fo win ova da Israel peopo. Now peopo goin tell bout da Jacob peopo, (Dass da Israel peopo), ‘Look wat God do fo dem!’

Songs 86:10

Cuz you, you real big An you do awesome kine tings. You, you da ony one Dass God fo real kine!

Songs 86:8

You my Boss! No mo one mo God like you, From all da gods Dat da odda peopos pray to! No mo one mo god like you, Dat do da kine tings you do.

Isaiah 49:21

Den you Jerusalem peopo Goin tink, “Eh! Who give me all dese kids?! Da Babylon guys wen take away my kids, An I ol, an no can born kids no moa. I was one prisona, An dey throw me outa my house. So! Who raise dese kids? No mo nobody hea wit me. So wea dese guys come from?”

Start 17:17

Den Abraham go down an put his face on top da groun fo show respeck to God. But he laugh same time, cuz inside, he stay tink, “No way! How can?! Me, one hundred year ol, an Sarah, ninety year ol. How us can get kids?!”

Start 18:13

Den Da One In Charge tell Abraham, “Eh! How come Sarah laugh? She figga, ‘You tink I goin born one bebe, no matta I real ol, o wat?’

Start 21:8

Da boy Isaac come mo big, an his muddah pau breas feed him. Abraham make one big bebe luau fo Isaac, da time his muddah pau breas feed him.

Jeremiah 20:15

I like put kahuna on top da guy dat tell my faddah dat I wen born. He make my faddah come real good inside, Cuz he tell, “You get one boy!”

1 Kings 3:21

“Morning time, I get up fo breas feed my boy. I see dat he mahke awready. But den wen I look him good inside da light—eh, he not da same bebe I wen born!”

1 Kings 11:20

Tahpenes sistah wen born one boy Genubat fo Hadad. His auntie Tahpenes raise him right dea inside Pharaoh palace, wit Pharaoh kids.