Start 21:14 - Hawaii Pidgin Bible

¹⁴ Abraham wake up early da nex morning fo get food an one goat skin all sew up fo carry watta. He give um to Hagar, an help her put da food an da watta on top her back an da boy back. Den, he make her an da boy go way from dea. Hagar an da boy go to da boonies Beer-Sheba side, an dey go hea an dea but dey neva know wea dey goin go.

Start 21:14 交叉參考

John 8:35

You know, one slave guy no stay wit da boss foeva. Ony da boss boy, he stay wit him foeva.

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Smart Guys 27:14

If ery day you get up early An yell loud to da guy nex door, “I like God do good tings fo you!” Dat guy goin tink, “You stay putting kahuna on top me, o wat?!”

Songs 119:60

I ready fo do wat you tell me fo do. An I do um fas!

Songs 107:4

Some a dem go all ova da boonies Cuz dey donno wea dey was going. Dey no can find one town Fo make house dea.

1 Kings 19:3

Elijah come sked. He no wase time, he run away quick from dea, fo him no mahke. Wen he reach Beer-Sheba, Judah side, he tell da guy dat work fo him fo stay dea.

Start 26:31

Morning time, dey all wake up early. All dem guys make one strong kine promise to da oddas fo erybody know dat dey goin do um. Den Isaac let um go home. Dey go, an eryting stay okay.

Start 25:6

Fo da odda kids dat born from Abraham an his odda wifes, Abraham give each kid plenny stuffs befo he mahke, but den he make um move house da east side fo no stay nea his boy Isaac.

Start 21:31

So da two guys make one strong kine promise to each odda. Dass how come dey call dat place Beer-Sheba, dat mean “Da Seven Sheep Puka,” an same time, “Da Puka Wit Da Promise.”

Start 16:7

Hagar go inside da boonies. Had one angel messenja guy, dat was Da One In Charge, an he find her dea by one puka wea get watta inside, in one place wea can see da road dat go Shur side.

Isaiah 16:8

Da grape fields Heshbon side An da grape plants Sibmah side Stay all dry up. Da leadas a da diffren countries Wen tell dea army guys Fo go smash down da red grape plant. Befo time, had grape farm all da way to Jazer, An da shoots from da vine go all ova da place, To da boonies an all da way down To da odda side a da sea.

Start 46:1

Dass how Israel wit all his peopo, all his animals, an all his stuffs move house Egypt side. Wen he come Beer-Sheba (dat mean, Seven Puka Fo Watta), he kill some animals fo make one sacrifice fo show love an respeck fo God, da same God dat his faddah Isaac wen pray to befo time.

Start 37:15

Wen Joseph get dea, he go all aroun da fields, but he donno wea he goin go. One guy see um an aks um, “Eh! Wat you stay looking fo?”

Start 26:33

Isaac give da puka da name Shivah, dat mean “strong promise.” Dass how come dat place get da name Beer-Sheba, dat mean “Da Puka Wea Dey Make Promise.” Dass how dey call um still yet.

Start 24:54

Den da luna guy an da odda guys wit him eat an drink, an den dey sleep dea dat nite. Da nex day, dey wake up, an da luna guy tell, “Kay den. I like fo you guys let me an Rebecca go back by my boss now.”

Start 22:19

Den Abraham an Isaac go back by da worka guys, an dey all go home togedda Beer-Sheba side. Dass da place Abraham live, dat time.

Start 22:3

Da nex morning, Abraham wake up early an put saddle on top his donkey. Den he chop wood fo burn up da sacrifice, an put um on top da donkey. He start fo go da place God tell um fo go, him an his boy Isaac an two young worka guys.

Start 21:33

Abraham, he go plant one ironwood tree ova dea Beer-Sheba side. Dat place, he tell Da One In Charge, “Eh! You, da God Dat Stay Foeva! I like you help me, cuz I know wat kine god you!”

Start 19:27

Dat morning, Abraham wake up early an go to da place wea him an Da One In Charge stan fo talk da day befoa.

Start 21:13

An you know, fo da slave wahine boy, I goin make one peopo come from him too, cuz he come from you.”

Start 21:15

Wen no mo watta inside da goat skin, she leave da boy unda da shade a one a da bushes dea.

Smart Guys 27:8

Wen one guy stay away from his house, Az jalike one bird stay away from da nes.

Start 28:18

Da nex morning early, Jacob wake up. He take da big rock dat he wen put unda his head fo sleep, an he stan um up jalike one pos, an he pour olive oil on top fo show love an respeck fo God.

Joshua 3:1

Nex morning, Joshua an all da Israel peopo get up real early. Dey leave Koa Tree Town an go all da way to da Jordan Riva. Dey make camp dea befo dey go across da riva.

1 Samuel 15:12

Da nex morning early, Samuel get up fo go meet Saul. But da peopo tell, “Saul go Carmel town awready. An you know wat? Ova dea Saul awready wen put up one pile rocks fo erybody no foget dat he da one wen wipe out da Amalek peopo. Den he go da odda way, Gilgal side.”

2 Records 29:20

Early da nex morning, King Hezekiah bring togedda all da leada guys fo Jerusalem town, an dey go up to da Temple Fo Da One In Charge.