Start 2:7 - Hawaii Pidgin Bible

⁷ Den God, Da One In Charge, take dirt from da groun an make one guy. God blow on top his face fo make da guy come alive. Az how da guy get life inside him.

Start 2:7 交叉參考

1 Corint 15:45

Dis wat da Bible tell befo time: Da firs guy dat was jalike us guys was Adam. He “wen come alive an he wen tink an feel.” But da las Adam kine guy is Christ. He get one spirit inside him dat make odda peopo come alive fo real kine too.

Job 33:4

Da Spirit from God wen make me. Da God Wit All Da Powa, wen he breave, he make me stay alive.

Teacha 12:7

O oua body go back inside da dirt wea we come from, An oua spirit go back by God dat give um to us.

Isaiah 64:8

Still yet, Da One In Charge, you oua Faddah. Us, jalike da clay. You, da guy dat make us guys come jalike clay pots. All us guys, you wen make us.

Jesus Guys 17:25

Peopo no need take kea him jalike he need someting. Cuz he da One dat make all da peopo stay alive, an he give dem air fo breave, an all da odda stuff.

1 Corint 15:47

Da firs guy Adam wen come from da groun. God wen make him from da dus. Da odda guy Christ, he wen come from da sky.

Start 3:19

You gotta bus ass an sweat Fo get enuff food outa da groun, An afta, you goin go back to da dirt Cuz I wen make you outa da dirt. You come from dirt, An you goin come dirt one mo time.”

Job 27:3

As long as I stay alive, An can breave da way God make me,

Start 7:22

Eryting dat need air fo live, eryting dat live on top da dry land, dey all mahke.

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

Songs 103:14

Cuz Da One In Charge, he know How he wen make us guys. He no foget dat us ony dus.

Songs 100:3

Fo shua you gotta know dis: Da One In Charge, he God! He da One wen make us guys, An us guys his peopo! Jalike us da sheeps Dat he lead to da grass.

Rome 9:20

Eh, how come you talk back lidat to God, braddah? Who you tink you? Jalike da Bible tell befo time: “If get one guy dat make someting, dat ting no can tell da guy, ‘Eh! How come you wen make me lidis?’ ”

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Start 3:23

Dass why God, Da One In Charge, throw dem outa Eden, da place he wen plant da trees. God make dem go work da same dirt dat he wen use fo make um firs time.

Hebrews 12:9

You know, all us guys wen get oua real faddahs fo tell us guys wen we do wass wrong fo help us guys learn stuff. An cuz a dat, we get respeck fo dem. So den even mo, us guys gotta lissen God. He jalike oua Faddah fo make us guys come alive inside. An den we goin live fo real kine!

Census 16:22

But Moses an Aaron go down an put dea face on top da groun, an yell, “God, you da God fo da spirits a all da peopo on top da earth! Try no come huhu wit all da peopo wen ony one guy wen do one bad ting!”

Smart Guys 20:27

Da One In Charge use da spirit he put inside us Jalike az one lamp. He know eryting us guys tink, An no miss notting inside us.

Job 33:6

Eh! I jalike you, da way God see me. He wen make me outa dirt too.

2 Corint 5:1

Eh, us guys know dat oua body, da one us stay inside now on top da earth, az jalike one tent dat ony goin stay up short time. No matta oua body goin come wipe out, us no need worry. Cuz God get one good place fo us stay inside da sky. Peopo neva make dat place. God wen make um an dat place stay foeva!

2 Corint 4:7

Us guys get plenny rich kine stuff from God inside us, no matta us jus regula kine peopo. Dass fo show dat da fo real powa come from God, an az not from us guys. Dass jalike wen somebody get rich kine stuff inside cheap kine dishes.

John 20:22

Wen he tell dat, he breave on top dem, an tell, “I give you guys da Good An Spesho Spirit. Take um.

Job 4:19

Den even mo he goin poin finga Da peopo dat live inside dese bodies! Dea bodies jalike one house dey make from clay Dat get foundation on top da dirt. Can smash dem mo easy den smash one moth!

Census 27:16

“I like fo you, Da One In Charge, da God fo all da spirits fo all da peopo inside da world, pick one guy fo take ova dese peopo,

Teacha 3:7

One time fo broke someting An one time fo sew um togedda. One time fo no talk An one time fo talk.

1 Timoty 2:13

Cuz God wen make Adam firs, an den he wen make Eve.

Start 2:6

Had fog come up outa da groun, an da dew from dat was da ony watta dat da land get, dat time.

Sad Song 4:20

Da leada guy dat Da One In Charge wen pick, dat make us guys stay alive, Dey wen catch him inside dea traps. Us wen tink us goin be one nation Wit him fo da main guy.

Ezekiel 37:5

Dis wat me, Da One In Charge, da Boss, tell dese dry bones: You know wat I goin do?! I ready fo breave air inside you guys fo you breave. Den you guys goin come back alive one mo time!

Start 1:27

So God make da peopo, same same jalike one copy a him. He make guy kine an wahine kine.

Ezekiel 37:6

I goin put back da tendons an da meat on top you guys an cova you wit skin. I goin put my air inside you fo you breave an come alive. Den you guys goin know az me Da One In Charge do all dat.’ ”