Start 17:7 - Hawaii Pidgin Bible

⁷ “I stay make dis deal now, jus fo me an you. Dis deal wit you, goin stay foeva! I goin be da God fo you, an fo all da peopo dat goin come from you bumbye, even afta you mahke.

Start 17:7 交叉參考

Start 26:24

Da nite he get dea, Da One In Charge let Isaac see him. Da One In Charge tell um, “Me, I da God dat yoa faddah Abraham wen get love an respeck fo. So no sked, cuz I stay wit you. I goin give you da powa fo do eryting I like you fo do. I goin make choke plenny peopo come from you bumbye, cuz a da deal I wen make wit Abraham, da guy dat wen work fo me.”

Jesus Guys 2:39

He wen promise all dat fo you guys an yoa kids, an fo all da peopo dat no stay tight wit God—all da ones Da One In Charge goin tell fo come to him, dass oua God.”

Start 15:18

Right den an dea, Da One In Charge make one spesho deal fo Abram, an da sacrifice was da sign fo da deal. Da One In Charge tell Abram, “All dis land, from da Egypt borda to da big riva dey call Eufrates—all dis, I give um to da peopo dat goin come from you!

Hebrews 8:10

‘Dis da deal I goin make bumbye Wit da Israel ohana peopo. I goin put my Rules inside dea head. I goin write um inside dem. I goin be dea God fo real kine, An dey goin be my peopo fo real kine.

Hebrews 11:16

But dey neva. Dey tink plenny bout dat mo betta place inside da sky wea God stay. Cuz a dat, God, he no shame wen dose guys tell, “He oua God.” We know dat cuz get one big town dat he stay make ready fo dem.

Prieses 26:12

I goin stay walk aroun inside dea wit you guys, an come yoa God, an you guys goin come my peopo.

Start 28:13

Den, inside da dream, Jacob see Da One In Charge stay standing way up on top da step in da sky. Da One In Charge tell, “Dis me, Da One In Charge. I da God dat yoa granfaddah Abraham an yoa faddah Isaac wen pray to. Dis same land wea you stay sleep tonite, I goin give um to you an to da peopo dat goin come from you bumbye.

Rome 9:4

Dey da Israel peopo an God wen make dem his kids from befo time. He show dem how awesome he stay. He make all kine deals wit dem. He give um his Rules. Dey da ones dat know how fo show God respeck. An God promise fo do plenny good kine stuffs fo dem.

Mark 10:14

Wen Jesus see wat his guys stay do, he come huhu. He tell, “Let da kids come! No stop dem! Cuz da peopo dat make God dea King, inside dey jalike dese kids.

Matthew 22:32

God tell, ‘I da God fo Abraham, an fo Isaac, an fo Jacob.’ So I tell you guys, he not da God fo da mahke guys dat no mo spirit inside dem. He da God fo Abraham an Isaac an Jacob, dat get one spirit inside dem dat stay alive, no matta dea body mahke.”

Micah 7:20

You goin hang in dea wit da Jacob ohana peopo, An stay tight wit da Abraham ohana peopo, Jalike you wen make one strong promise to oua ancesta guys fo do, Long time befo time.”

Ezekiel 28:26

Dey goin live Israel side an dey goin stay shua notting bad goin happen. Dey goin build houses an plant grape farms. Notting bad goin happen to dem wen I punish da odda peopos dat live nea dem—da ones dat wen ack jalike my peopo no good. Den my peopo goin know dass me Da One In Charge, da God fo dem.’ ”

Outa Egypt 6:4

Same time, I stay keep da promise I wen make wit yoa ancesta guys. I wen make one promise I goin give um da Canaan land, da same place wea dey wen stay make house fo live dea short time.

Outa Egypt 3:15

God tell Moses fo tell da Israel peopo: “Da One In Charge, he da same God dat yoa ancesta guys wen pray to. He da God fo Abraham, fo Isaac, an fo Jacob. Was him wen sen me by you guys. “An no foget, Da One In Charge, Dass my name foeva! Dass how you goin teach yoa kids Fo no foget who me, An same ting fo dea kids, foeva!

Outa Egypt 3:6

Den God tell Moses, “Me, I da God fo yoa faddah guy. I da God fo Abraham, I da God fo Isaac, an I da God fo Jacob.” Wen Moses hea dis, he cova his face cuz he sked fo look strait at God.

Efesus 2:2

Dat time, you guys wen make jalike all da odda peopo all ova da world. You guys wen like lissen da Bad Guy. I stay talking bout da guy dass da leada fo all da bad kine spirits up inside da sky. An you guys wen like fo do wat he tell you guys fo do. Az da same strong spirit dat make peopo go agains wat God tell um fo do.

Songs 81:10

Me, Da One In Charge, Da God dat wen bring you hea Outa da Egypt land. If you stay ready fo take Wat I like give you, I goin give you plenny! Jalike you open yoa mout fo eat An I give you plenny food!

Start 6:18

But fo you, I goin make one spesho deal. You goin go inside da big boat, you an yoa boys, yoa wife, an yoa boys wifes wit you. Dass how you guys goin stay alive.

Start 17:13

gotta cut skin dem too. All you guys gotta get da mark fo dat on top yoa bodies, an dass how you guys goin show dat da deal I make wit you guys fo be my peopo, goin stay foeva.

Start 17:19

God tell, “I know you tink dis no goin happen. But I stay talking bout yoa wife Sarah. Her da one dat goin born one boy fo you. You goin give him da name Isaac (dat mean, ‘he laugh’). I goin make da same deal fo him dat I get wit you, him an da peopo dat goin come from him, foeva.

Outa Egypt 6:7

“I goin make you guys come my peopo, an I goin come da God fo you guys. Den you guys goin know dat me Da One In Charge, da God fo you guys, da One dat get you guys out from da hard work dat da Egypt peopo make you guys do.

Prieses 11:45

Me, Da One In Charge, da One wen bring you guys outa Egypt, fo me come yoa God. Az why you guys gotta stay spesho fo me cuz I stay spesho.

Prieses 25:38

Me, Da One In Charge, yoa God. Was me da one wen bring you guys outa Egypt, an give you guys da Canaan land, an fo come yoa God.

Prieses 26:9

“I goin make good to you guys. I goin give you guys plenny kids fo you come mo plenny peopo. I goin stick wit da deal I wen make wit you guys.

Prieses 26:45

Cuz a dem I no goin foget da deal I wen make befo time wit dea ancesta guys. I wen bring dem outa Egypt fo be dea God, in front all da diffren peopos. Me, Da One In Charge.”

Rules Secon Time 29:13

He stay make dis deal fo you guys know fo shua dat you guys his peopo, an dat he yoa God, jalike he wen make one promise to you guys an oua ancesta guys, Abraham, Isaac, an Jacob.

Local Leadas 2:1

One angel messenja guy from Da One In Charge go from Gilgal to Bokim. He tell da Israel guys, “I wen bring you guys outa Egypt to dis land. Az da land dat I wen make one strong promise fo give um to yoa ancesta guys. I wen tell, ‘No ways I goin broke da deal I wen make wit you guys!’

Isaiah 61:8

Cuz me, Da One In Charge, Wen peopo judge da right way Dat make me feel good inside! Wen peopo steal stuff cuz dey bad, I no like dat. Dey can trus me fo do wat I tell I goin do. I goin give dem wat dey wen work fo, An make one deal wit dem dat stay foeva.

Jeremiah 31:1

Da One In Charge tell dis: “Dat time, I goin come da God fo all da peopo dat get da Israel blood line, an dey goin come my peopo.”

Start 9:16

“Weneva da rainbow stay in da cloud, I goin look um, an I no goin foget da deal dat I wen make, dat stay foeva—me, God, I get dis deal wit all da tings dat stay alive on top da groun.”

Prieses 26:44

But no matta all dat. Wen dey stay inside da land a da peopo dat stay agains dem, I no goin make jalike dey no good, fo wipe um out to da max. I no goin broke da deal I wen make wit dem. Cuz me Da One In Charge, dea God.

2 Samuel 7:24

You wen make us Israel peopo come yoa peopo foeva! An you, Da One In Charge, wen come da God fo us guys!

1 Records 16:13

All you peopo dat come from Israel Dat was one worka guy fo Da One In Charge, Dass all you guys dat get Jacob fo yoa ancesta, An Da One In Charge wen pick you guys.

1 Records 16:14

Him, oua God, Da One In Charge. He run da govmens all ova da world.