Start 17:16 - Hawaii Pidgin Bible

¹⁶ I goin do good tings fo her, an I goin give her one boy fo you. I goin make good tings come out fo her, so she goin be da ancesta wahine fo plenny diffren peopos. Goin get king guys fo diffren peopos dat goin come from her too!”

Start 17:16 交叉參考

Start 35:11

God tell Jacob dis too, “Me, Da God Dat Get All Da Powa. Born plenny kids. Come plenny peopo. One nation, an plenny odda nations, Dey all goin come from you. Even goin get king guys Dat goin come from yoa ohana too.

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Start 17:6

I goin give you choke plenny peopo fo come from you bumbye, diffren kine peopos, so you goin be jalike one tree dat get plenny fruits. Even goin get king guys dat goin come from you too!

1 Peter 3:6

Jalike Sarah, she wen do eryting Abraham tell her fo do an she tell dat he stay in charge. You wahines jalike her, cuz you stay do good kine stuff, an you no need worry bout notting.

Rome 9:9

Dis da promise God wen make: “Same time nex year I goin come back, an Sarah goin born her bebe boy.”

Start 24:60

Da ohana peopo tell God fo do good tings fo Rebecca. Dey tell, “Eh, you oua sistah! We like you come da ancesta wahine Fo ten million peopo! We like da peopo dat goin come from you come strong So wen odda peopo go agains dem, Yoa peopo goin take ova dea towns!”

Start 12:2

“Da peopo dat goin come from you, Bumbye I goin make dem come one big, importan nation. Dey goin get good rep An make good tings happen to odda peopos. I goin make you one big name guy, An you goin make good tings come fo odda peopo.

Start 1:28

Den God tell um, “I give you guys da powa fo you do eryting I wen make you fo do. So, born plenny bebes, an fill up da world wit um, an take ova! You guys, in charge a da fish inside da ocean, an da birds inside da sky, an all da animals dat move aroun on top da groun.”

Galatia 4:23

Da boy from da slave wahine Hagar, he born cuz Abraham like get one boy. But da boy from Abraham wife Sarah dass one not one slave. He born cuz God make one promise fo born um.

Start 17:15

Den God tell Abraham dis too: “Yoa wife Sarai, from now, you no goin call her Sarai. Her name goin be Sarah, dat mean ‘princess.’

Start 17:19

God tell, “I know you tink dis no goin happen. But I stay talking bout yoa wife Sarah. Her da one dat goin born one boy fo you. You goin give him da name Isaac (dat mean, ‘he laugh’). I goin make da same deal fo him dat I get wit you, him an da peopo dat goin come from him, foeva.

Start 21:1

Laytas, Da One In Charge take kea Sarah, jalike he wen promise fo do.

Start 25:23

Da One In Charge tell her, “Get two peopos inside you. Two diffren ohanas goin come from you, An dey goin stay agains each odda erytime. One peopo goin be mo strong den da odda peopo. Da older braddah ohana goin work fo da younga braddah ohana.”

Start 36:31

Ova dea Edom side had king guys dat was in charge, long time befo da Israel peopo get king guys.

Start 15:4

Dis da ting dat Da One In Charge tell Abram: “No way! Dat guy no goin be da one dat goin get yoa stuffs afta you mahke. Cuz you goin born one boy dat goin come from you. Him, da one goin get all yoa stuffs bumbye.”