Start 16:2 - Hawaii Pidgin Bible

² Sarai tell Abram, “You know, God neva let me born kids. So den, get dis custom, you go sleep wit my slave wahine Hagar fo her born kids fo me hanai dem. Maybe dass da way I can get one boy from her, an start one ohana fo you.” Abram tell Sarai, “Shoots.”

Start 16:2 交叉參考

Outa Egypt 21:4

If da slave owna guy give da slave guy one wife, an she born kids, den wen da slave guy not one slave no moa, da wife an da kids gotta stay wit da slave owna guy. Ony da guy go, da wife stay wit da slave owna guy.

Start 18:10

Den one a dem tell, “Same time, one year from now, I goin come back by you, an garans yoa wife goin get one bebe boy!” Sarah stay lissen from inside da tent door, behind da one dat tell dat.

Start 3:17

God tell da guy Adam dis: “You, you wen do wat yoa wife tell you fo do, an not how I tell you fo do. You wen eat da fruit from dat tree, no matta I wen tell you befo time, no eat um. “Cuz a wat you wen do, I goin make da land hard fo grow stuff! From now, till you mahke, You goin bus ass fo get stuff fo eat!

Songs 127:3

You know wat? Da One In Charge Give peopo kids, Jalike dey one gif from him. Da ones born from you, Az jalike he give you someting good.

Ruth 4:11

Da older leada guys fo da town, an all da peopo dat stay by da main gate wea da peopo stay come togedda, dey tell, “Dass right! All us guys see wat happen, an we gotta tell erybody. “Dis wahine dat goin come inside yoa house, Us like Da One In Charge make her come Jalike da wahines Rachel an Leah, Da two wahines all us Israel peopo come from! An you, Ruth, come rich wit da Efratah ohana, So erybody know who you, Betlehem town!

Start 30:22

Den God wen tink bout Rachel. God lissen, an make her fo her born bebe too.

Start 25:21

One time Isaac pray to Da One In Charge fo give his wife Rebecca one bebe, cuz she no mo bebe yet. Da One In Charge lissen wat Isaac wen pray. Den his wife Rebecca come hapai.

Start 17:16

I goin do good tings fo her, an I goin give her one boy fo you. I goin make good tings come out fo her, so she goin be da ancesta wahine fo plenny diffren peopos. Goin get king guys fo diffren peopos dat goin come from her too!”

Start 3:12

Da guy tell, “Yeah, was da wahine, az how come. Da same one you put hea fo stay wit me fo kokua me! Her wen give me some fruit from dat tree an I wen eat um.”

Start 30:6

Den Rachel tell: “God make dis come right fo me awready, cuz he da judge. He wen lissen wat I tell um fo do, an he give me one boy.” Dass why Rachel call da bebe Dan, cuz soun kinda like “make um right,” dea language.

Start 19:31

One time, da older daughtah tell da younga daughtah, “Eh! No mo even one guy fo us sleep wit fo get kids, an oua faddah kinda ol awready.

Start 11:30

Sarai, Abram wife, she no can born kids.