Start 1:6 - Hawaii Pidgin Bible

⁶ Den God tell, “I like get someting inside da middo fo no let da watta up dea an da watta undaneat come togedda!”

Start 1:6 交叉參考

Start 1:14

Den God tell, “I like put lights up dea inside da sky, da sun an moon an stars! Dass fo make da day time diffren den da nite time. Dass fo show da parts a da year fo do tings, an da days an da years.

Start 1:20

Den God tell, “Inside da watta, I like get choke diffren kine tings dat live dea! Up inside da sky, I like get plenny bird an all kine tings dat fly up ova da groun!”

Job 26:13

He blow an da sky come clear. Wit his powa he stab da Rahab ocean snake dat wen run away.

Job 37:11

God load up plenny watta inside da dark clouds. He scatta his lightning thru da clouds dat all pile up.

Job 37:18

Kay den: You tink you can help God fo spread out da clouds, Wen da sky hard jalike one metal mirror, o wat?

Songs 104:2

Da One In Charge Get light all aroun him, Jalike dass wat he wea. He set up da whole sky Jalike one guy set up one tent cova.

Songs 148:4

Jalike da peopo tell good tings Bout Da One In Charge, Az good, fo da mos high parts a da sky Do da same ting too! An same ting fo all da watta Dat stay ova da sky!

Songs 150:1

Eh you guys! Tell good tings Bout Da One In Charge! Tell good tings bout God, Inside da place dat stay spesho fo him! Tell good tings bout Da One inside da sky Cuz da sky show dat he strong!

Songs 19:1

Look da sky fo learn how awesome God stay! Was God hand wen make all dat! An eryting you see in da sky an da air aroun us, Show how awesome wateva he make!

Songs 19:2

One day afta anodda show how God stay, jalike if da sky stay talking. One nite afta anodda show how God stay, jalike if da sky let peopo know stuff.

Songs 33:6

Da One In Charge, He jus tell da sky fo come, An da sky come. He ony need fo talk Fo make all da stars up dea come.

Songs 33:9

Cuz he wen talk, eryting start. He wen tell wat gotta happen, An eryting come lidat.

Teacha 11:3

Wen da clouds get plenny watta, Fo shua dey pour rain on top da earth. An no matta one tree fall down south side o north side, Fo shua goin stay da place wea wen fall down.

Isaiah 40:22

God, da One stay live above da earth an da sky! Unda him, look jalike one big circle, An da peopo dat live dea, Fo him dey look jalike small grasshoppas. He da One stretch da sky jalike one big curtain, Jalike wen you spread out da cloth Fo set up da kine tent you goin live inside.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Jeremiah 51:15

“Da One In Charge wen make da earth, Cuz he get da powa. Da world stay how stay, Cuz he da One make um lidat, An cuz he know wat fo do erytime. He spread out da sky Cuz he know da bestes way fo make um lidat.

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

2 Peter 3:5

But you know, get one ting dem buggahs make deaf ear bout: Long time befo time, wen eryting wen start, God wen command an get da sky. Den God wen start wit da watta fo make da land an da watta diffren kine. He make da land come up from da watta.