Songs 127:2 - Hawaii Pidgin Bible

² Ony wase time Wen you guys wake up real early An pau hana real late Fo bus ass fo get food. Cuz you know, God take kea Da peopo he get love an aloha fo, Even wen dey stay sleeping.

Songs 127:2 交叉參考

Teacha 5:12

Wen one worka guy sleep, he stay good, No matta he grind ony litto bit o plenny. But wen one rich guy get plenny stuff, Dat no let him sleep good.

Songs 4:8

I know fo shua I can lay down an go sleep, An eryting goin go good fo me. Az cuz you, Da One In Charge, you da ony one Dat make me live So dat notting bad goin happen to me.

Job 11:18

You know you can wait fo God, az why you trus him. You goin look aroun an res, an notting bad goin happen to you.

Songs 3:5

I wen lay down an go sleep, An nex morning I wake up, Cuz Da One In Charge, He take kea me.

Jeremiah 31:26

Den I wake up an look aroun. An cuz I wen sleep good, I feel good.

Ezekiel 34:25

“ ‘I goin make one deal fo my peopo fo make shua eryting stay okay fo dem. An I goin wipe out all da wild animals from da land fo da peopo live inside da boonies an sleep in da fores, an notting goin hurt dem.

Teacha 1:14

I wen see eryting da peopo do unda da sun. An you know wat?! Eryting hard fo undastan! Jalike erybody stay try catch da wind!

Teacha 6:7

All da hard work peopo do, az fo give dem food fo eat. But dey no mo enuff.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Songs 60:5

An cuz a dat, Fo da peopo you get love an aloha fo, I like fo dem get outa trouble. You get plenny powa, So go do someting fo help dem!

Smart Guys 10:22

Wen Da One In Charge do good tings fo peopo, He give dem plenny good stuff. He no give problem same time.