Ruth 2:19 - Hawaii Pidgin Bible

¹⁹ Naomi aks Ruth, “Eh! Wea you wen pick up da extra barley today? Wat side you wen go work? I like Da One In Charge do plenny good tings fo da guy dat wen see you an help you!” So Ruth tell her muddah-in-law bout da owna guy wea she wen pick up da barley. She tell um, “His name, Boaz.”

Ruth 2:19 交叉參考

Songs 41:1

Whoeva tink plenny Bout how fo help da peopo Dat no mo notting, Dey can stay good inside! Da One In Charge, goin help dem Wen bad tings happen to dem!

Ruth 2:10

Ruth, she go down quick by Boaz feet an put her face on top da groun fo show um respeck. She tell um, “Eh mista, mahalo plenny! How come you stay good to me an even talk to me? I ony one wahine from anodda country, you know.”

1 Kings 7:21

Huram put up da two poses on top da lanai wea da pries guys go inside da Temple. He give da name “He Make You Solid,” az “Yakin” in da Hebrew language, wen he put up da south side pos. An wen he put up da north side pos, he give da name “Wit Him, You Strong,” az “Boaz” in da Hebrew language.

Songs 44:1

Eh God! Us guys wen hear da stories Dat oua ancesta guys wen tell Bout all da tings you wen do befo time. Dass was long time befo time Wen dey stay alive.

Songs 41:2

Da One In Charge make shua Notting bad happen to dem! An make shua dey stay alive, An stay good inside, inside da Israel land! He no let da peopo dat stay agains dem Make any kine to dem!