20 Naomi, she tell um, “Eh! Mo betta no call me Naomi, Cuz dat mean ‘eryting nice.’ Mo betta call me Mara, Cuz dat mean ‘eryting jalike bad taste.’ Cuz Da God Dat Get All Da Powa, He wen make eryting come real junk fo me.
Erytime we get presha fo make us guys learn stuff, us guys come all sore inside, an we no like dat kine presha. But bumbye all dat presha goin make us come mo strong fo do da right ting, an den notting goin bodda us guys.
I wait an try stay quiet inside Till morning time. But den, God go broke all my bones Jalike one lion! God, morning time I stay okay, But befo nite time, you make my life pau.
“Wen peopo jam up, An God tell um wat was da right ting fo dem do, Dey can stay good inside. Az why, no come huhu wen Da God Dat Get All Da Powa Punish you fo teach you someting!
Da God Dat Get All Da Powa, I like he make dat Egypt guy tink good bout you guys an give you guys chance, an let yoa odda braddah go wit you guys, an Benjamin too. Me, if I gotta lose my boy, den I gotta lose um. Dass it!”
Laytas, wen Abram 99 year ol awready, Da One In Charge let Abram see him. He tell um, “Me, I Da God Dat Get All Da Powa. So, live da way I tell you fo live, an no do notting dat goin make shame.
Da One In Charge, he tell, “I eryting, from firs to las, A to Z.” He da One dat stay now, dat stay from befo time, an dat goin stay foeva! Him da One dat get all da powa!
Dey get to Marah an find watta, but dey no can drink da watta Marah side cuz bitta. (Dass how come da place get da name “Marah,” cuz dat mean “bitta,” dea language, you know.)
