Rules Secon Time 8:3 - Hawaii Pidgin Bible

³ He make shua you guys no get big head, an let you guys come hungry, an den he feed you guys manna fo eat. You guys an oua ancesta guys neva know wat manna was from befo time. Az how he wen make you guys know dis: dat peopo no can live ony wit food. Gotta lissen eryting Da One In Charge tell too!

Rules Secon Time 8:3 交叉參考

Matthew 4:4

But Jesus tell, “Da Bible tell, “ ‘No mo nobody dat can live ony wit food, Gotta lissen eryting God tell, Fo live fo real kine.’ ”

Luke 4:4

Jesus tell, “No ways! Cuz da Bible tell, ‘No mo nobody dat can live ony wit bread.’ ”

1 Corint 10:3

All da peopo wen eat da same food dat God Spirit wen give um,

Songs 37:3

Trus Da One In Charge an do good tings. Live on top yoa land An take kea da land.

Songs 105:40

Da peopo wen aks fo food, An God bring um quail birds. He give um bread from da sky Dass nuff fo erybody.

Rules Secon Time 9:9

Da time I go up da mountain fo get da flat stones dat show da deal Da One In Charge wen make wit you guys I wen stay on top da mountain forty day an forty nite. I no eat food an no drink watta all dat time.

Rules Secon Time 29:6

You guys neva eat bread, but I give you guys da manna fo eat, an you neva drink wine o beer. Me, Da One In Charge do all dis so you guys goin know dat me, Da One In Charge, I yoa God fo real kine.

Rules Secon Time 32:47

Dis, az not stuff dat no mean notting fo you. Dis, az yoa life! If you lissen dis stuff I tell you, you guys goin live long time inside da land da odda side a da Jordan Riva dat you goin take ova.”

Rules Secon Time 29:5

Moses tell dat Da One In Charge tell, “All da time fo forty year dat me Da One In Charge wen lead you guys inside da boonies, yoa clotheses an yoa slippas neva come boros.