Rules Secon Time 6:2 - Hawaii Pidgin Bible

² Az cuz oua God, Da One In Charge, like fo you, yoa kids, an dea kids afta dem, stay sked a him an get respeck fo him all da time you guys stay alive. He like you guys do wat he tell you guys you gotta do, an show respeck fo his rules bout wass right an wass wrong, jalike I stay tell you guys. Az how you guys goin live long time.

Rules Secon Time 6:2 交叉參考

Rules Secon Time 4:40

Make shua you guys do wat Da One In Charge tell you gotta do, an do wat his rules tell dat I stay give you guys today. If you do dat, eryting goin go good fo you guys an yoa kids afta you, an you goin live long time inside da land oua God, Da One In Charge, give you guys foeva.”

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Rules Secon Time 13:4

Az yoa God, Da One In Charge. You guys gotta follow him, an stay sked a him an get respeck fo him. Do wat he tell you guys fo do an lissen him. Work ony fo him, an stay tight wit him.

Outa Egypt 20:20

Moses tell da peopo, “No sked! You guys know how come God come hea? He stay hea fo put presha on you guys fo you learn someting! An he like you guys no foget how you feel wen you stay sked a him, cuz if you get awesome respeck, bumbye you no goin go do someting bad.”

Songs 128:1

All da peopo dat feel jalike dey sked Weneva dey come In front Da One In Charge, An dat live da way he like dem fo live, Dey can stay good inside.

Rules Secon Time 5:16

“Show respeck fo yoa faddah an muddah, jalike me, Da One In Charge, yoa God, wen tell you guys fo do. Den you guys goin live long time an eryting goin go good fo you guys on top da land I stay give you guys.

Smart Guys 3:16

Wen you know wat fo do erytime, You goin live long time, An get plenny stuffs an plenny respeck too.

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

1 Peter 1:17

Wen you guys talk to God az jalike he yoa Faddah. He da Judge dat check out wat erybody do, an he no like one guy mo betta den anodda. Dass why you guys gotta show plenny respeck fo God fo eryting you do hea inside dis world.

Songs 111:10

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

Rules Secon Time 10:20

Stay sked a oua God, Da One In Charge, an work fo him. Stay tight wit him, an wen you make one strong promise, use ony his name fo back you up.

Luke 12:5

But I show you who fo come sked bout—betta come sked a God, cuz he can kill yoa body an den he get da powa fo throw you inside Hell. Yeah, I tell you, he da One you gotta come sked bout!

Smart Guys 16:6

Wen you stay real tight wit peopo, An you da kine guy dey can trus, Fo shua, peopo goin know Dat God let you go awready Fo da tings you wen do agains him. Wen you stay sked a Da One In Charge, Fo shua, you goin change An no do bad kine stuff no moa.

Rules Secon Time 22:7

You gotta let da muddah go, but you can take da bebes. Dass fo eryting go good fo you, an you live long time.

Rules Secon Time 6:7

Make dese da main ting you teach yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you wake up.

Rules Secon Time 4:10

No foget da time you guys wen stan in front oua God, dass Da One In Charge a us, Mount Sinai side, wen he tell me, ‘Bring hea all da peopo togedda in front me fo me tell um wat I like tell dem. Az how dey goin learn fo get awesome respeck fo me, all da time dey stay alive inside da land. An I like dey teach wat I tell dem to da kids too.’

Start 22:12

Da One In Charge tell um, “Put down da knife, no hurt da boy! No do notting to um. You was ready fo kill um cuz az wat I tell you fo do! But now, I know fo shua dat you get awesome respeck fo me, yoa God. Cuz you neva even hold back from me da ony boy you get, az why.”

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

Rules Secon Time 5:33

Do eryting da way yoa God, Da One In Charge, tell you fo do um fo you guys live long time an eryting goin go good fo you guys inside da land you goin get.”

Outa Egypt 20:12

“Show respeck fo yoa faddah an yoa muddah. If you do dat, den you goin live long time on top da land dat me, yoa God, Da One In Charge, stay give you.

Rules Secon Time 4:9

“Watch out fo shua dat you guys no foget da stuff you guys wen see Da One In Charge do! No foget bout um all da time you guys stay alive. Teach yoa kids all dis too, dem an dea kids afta dem.

Rules Secon Time 6:1

Moses tell dis too: “Dis wat oua God, Da One In Charge, wen tell me fo teach you guys—all da stuff you gotta do, an da rules bout wass right an wass wrong. Dass wat you guys gotta do inside da land wea you goin go fo take um ova, da odda side a da Jordan Riva.

Rules Secon Time 11:9

If you do dat, you guys goin live long time inside da land dat Da One In Charge wen make one strong promise about um to yoa ancesta guys, wen he give da land to dem an dea kids. Az one land dat get plenny milk an honey all da time.

Songs 91:16

I goin make him stay good inside cuz he know he goin live long time, He goin see my powa Fo get my peopo outa trouble.”

Ezekiel 20:19

Me, I yoa God, Da One In Charge. Stick wit da rules I wen make, an wit wat I tell you guys bout wass right an wass wrong.

Rules Secon Time 6:24

Oua God Da One In Charge tell us all dis stuff we gotta do, an tell us fo stay sked a him an get respeck fo him, fo eryting go good fo us, an he make us stay alive, jalike we stay today.

Rules Secon Time 15:5

But yoa God, Da One In Charge, goin do dis, ony if you guys make shua you do all dis stuff he wen tell you guys fo do, an all da tings I stay tell you guys today.

Rules Secon Time 30:19

“Today in front all da powas inside da sky an hea in da world, I like dem see dat you get one chance fo pick da way you like live: you can pick fo stay alive, o fo mahke. You can pick fo get good kine stuff come to you guys, o pick fo get real bad kine stuff come to you guys. So pick now fo stay alive! Den you an yoa kids goin stay alive.

Rules Secon Time 30:20

Den you guys goin get love an aloha fo yoa God, Da One In Charge, an lissen him, an stay tight wit him. Cuz Da One In Charge, he da One make you live fo real kine. An he da One let you guys stay long time on top da land he wen make one strong promise fo give to yoa ancesta guys, Abraham, Isaac, an Jacob.”

Joshua 4:24

He do dis fo all da peopos on top da earth know dat Da One In Charge get plenny powa! An he do um fo you guys stay sked a Da One In Charge an get respeck fo him all da time!”

1 Kings 8:40

So do wateva you gotta do, Fo make dem feel jalike dey sked Weneva dey come in front you. Do dis fo dem, An fo all da ones dat goin come from dem. Do um fo all da time dey goin stay inside dis land Dat you wen give to oua ancesta guys!

Smart Guys 9:11

Cuz if you stay tight wit Da Lady Dat Know Wat Fo Do Erytime, You goin live mo long. Eh! You goin get plenny mo year.

Jeremiah 32:39

I goin show dem how fo tink an live da bestes way. Erytime dey goin show me respeck. Dass how eryting goin come good fo dem an da ones dat goin come from dem.