Rules Secon Time 4:8 - Hawaii Pidgin Bible

⁸ You tink get odda importan nations dat get rules fo tell wass right an wass wrong, an laws dat stay pono? Fo shua no mo! Da rules an laws dat I stay give you guys today mo betta den all da odda nations!

Rules Secon Time 4:8 交叉參考

Songs 119:86

All da tings you tell us gotta do, Can trus um, cuz dey true. But dem guys stay come agains me, No matta I neva do notting bad! Eh God! Help me!

Songs 119:96

Da way I see um, even da bestes stuff No goin las foeva, But da tings you tell us gotta do, Dey cova eryting.

Rome 3:2

Az right! Cuz dat help um plenny. Numba one, cuz God trus da Jew guys fo take kea eryting he like fo peopo know.

Rules Secon Time 26:19

An he tell dat he goin make you guys come mo importan den all da odda peopos he wen make. He goin tell good tings bout you guys, an show respeck fo you guys, an give you guys one good rep! Dass how you guys goin come one peopo dat stay spesho fo yoa God, Da One In Charge, jalike he wen promise fo do.”

Songs 89:14

You get da right fo stay in charge Cuz you da king, Cuz you erytime do da right ting An you fair wit erybody. Wit you, erybody know You stay tight wit yoa peopo, An wateva you tell you goin do, You do um erytime.

Songs 97:2

Us guys no can see Wat Da One In Charge stay do, Cuz heavy an dark, Da clouds all aroun him! Us know he goin stay da king foeva, Cuz he do wass right erytime, An he judge da right way erytime.

Songs 119:144

Da tings you teach me fo do, Stay right foeva. Help me fo undastan um, Fo me stay alive.

Songs 119:160

All da tings you tell, Stay true fo real! Eryting you tell stay right, An stay foeva, cuz you da judge.

Hosea 8:12

I wen write uku plenny rules fo dem, But dey ack jalike dose rules not fo dem.

Nehemiah 9:13

“Wen dey stay Mount Sinai, You wen come down dea on top da mountain. You talk to dem from outa da sky an da air. You tell um da right tings fo do, An teach um da Rules dat dey can trus. An da good tings you tell um dey gotta do.

Songs 119:138

Wen you tell us guys wat fo do, You teach us da right tings fo do. An us guys can trus you bout all dat.

Isaiah 42:21

Fo real, Da One In Charge wen like make da Rules he teach importan an awesome. Dat make him feel good inside An show erybody dat he stay do da right kine ting.