Rules Secon Time 11:3 - Hawaii Pidgin Bible

³ You da guys wen see all da awesome tings he do inside da Egypt land. He do um to da Pharaoh guy, dea king, an to da peopo all ova da Egypt land.

Rules Secon Time 11:3 交叉參考

Rules Secon Time 7:19

You guys wen see how oua God, Da One In Charge, wen make da Egypt peopo suffa. He show how strong him, an he make happen plenny awesome tings. He use his strong powa fo take you guys outa dea. An now, oua God, Da One In Charge, goin do da same ting to all da peopos dat stay make you guys come sked now.

Songs 135:9

Da One In Charge wen do Awesome kine tings Fo show who him. He wen make miracles In da middo a da Egypt peopo, In front a da Pharaoh guy, An all da peopo dat work fo him.

Rules Secon Time 4:34

No mo any odda god eva dat wen take his peopo outa da land wea odda peopo stay! God wen make da Egypt peopo suffa fo tes um. He show how strong him wen he make dem come sick. He do unreal tings, an make war, an show his powa an do plenny real awesome an unreal kine stuff. Dass wat yoa God, Da One In Charge, wen do fo you guys Egypt side, an you guys see um happen!

Outa Egypt 7:8

Da One In Charge tell Moses an Aaron dis:

Rules Secon Time 11:4

He do um to da Egypt army, dea horses, an dea war wagons. Wen da Egypt army guys stay chase you guys, you guys wen see how Da One In Charge make da Red Sea watta come back ova da Egypt guys an drown um. Dass how he wipe um out, an dey stay wipe out till today.

Rules Secon Time 1:30

Oua God Da One In Charge, he da One goin go in front you guys. He da One goin fight fo you guys, jalike he wen fight fo you guys inside Egypt. You guys wen see dat awready.