Rome 4:12 - Hawaii Pidgin Bible

¹² Same ting fo da Jew guys dat get da cut skin mark too, Abraham stay jalike dea faddah. But not ony cuz dey get da cut skin mark, but cuz dey trus Christ jalike Abraham trus God befo he get da cut skin mark.

Rome 4:12 交叉參考

Love Song 1:8

You da mos beautiful wahine! If you donno wea I goin stay, Go follow wea da sheep footprints go. Let yoa young goats eat grass ova dea, Not far from wea da odda sheep guys stay make camp.

Smart Guys 2:20

“I stay tell you dis, So den you goin make same jalike da good kine peopo. An jalike da peopo dat stay do da right ting, You goin stay on da same way an hang in dea.

1 Peter 2:21

Az why Christ wen pick you guys fo do wass good no matta you gotta fo dat. He wen suffa fo you guys. So make jalike him how he suffa.

2 Corint 12:18

I wen tell Titus fo go by you guys, an I wen sen da odda braddah wit him. An den, you tink Titus wen rip you guys off? No ways! Me an Titus, us guys do da same kine tings cuz we tink da same way, you know.

Matthew 3:9

Eh! No tink, ‘Jus cuz Abraham oua main faddah us guy no goin get punish!’ I stay tell you guys now, God can take dese rocks ova hea an make kids fo Abraham outa dem.

Job 33:11

He put one leg chain on my feets. He watch me ery place I go!’

Songs 47:9

Da main leada guys From da diffren peopos Dey all come togedda wit God peopo. Dey pray togedda to da same God Dat Abraham wen pray to. God army guys make shua Da peopo inside oua land No get hurt. An God stay mo importan Den erybody!

Ezekiel 33:24

“Eh! Fo Real Kine Guy! Da peopo dat live inside da bus up towns inside da Israel land, dis how dey talk: ‘Abraham, he ony one guy, but he wen take ova da land fo make um his property. Now us guys, we plenny peopo. Fo shua Da One In Charge wen give us da land fo come oua property.’

Rome 4:11

Bumbye Abraham get da cut skin mark. Dat show proof dat he wen trus God. Was befo Abraham get da cut skin mark dat God tell dat Abraham get um right wit him. Dass how Abraham wen come jalike da faddah fo erybody dat trus God, an God wen tell dey get um right wit him, no matta dey no mo da cut skin mark.

Rome 4:13

God wen promise Abraham an his ohana dat come afta him, dat bumbye he goin own da whole world. God tell dat cuz Abraham wen trus God, an get um right wit him. But God neva tell dat Abraham get um right wit him ony cuz he do wat da Rules tell um fo do.