Rome 15:3 - Hawaii Pidgin Bible

³ Even Jesus Christ neva do wat he wen do fo ony him stay good inside. Befo time inside da Bible, God tell bout da bad kine stuff goin happen to Jesus: “Wen dey talk harsh kine to yoa face, Az jalike dey stay tell me da same ting.”

Rome 15:3 交叉參考

Songs 69:9

Cuz I go fo broke Wen I tink bout yoa Temple, Az why wen peopo like talk bad Bout you, Dey talk bad bout me firs.

Philippi 2:8

He make jalike he no stay importan. He do eryting God tell um fo do, Even if he gotta mahke. An not jus regula kine mahke, you know. Was mo worse, he gotta mahke on top one cross!

John 4:34

Jesus tell, “I do wat God like, an I do all his work. Dass jalike food fo me.

John 6:38

I come down from da sky. I neva come fo do any kine how I like, but fo do wat my Faddah like. He da One dat sen me.

John 5:30

“Wen I do someting, dass not me, cuz I no can do notting. I da judge, but wen I tell who do good o bad, dat come from wat my Faddah tell me. Dass how come I can judge um right, cuz I no try fo do wat I like do, but ony wat my Faddah like fo me do. He da One dat wen sen me.

2 Corint 8:9

You guys know dat Da One In Charge a us guys, Jesus Christ, wen do plenny good tings fo you guys. Befo time he was rich, but he wen come pooa fo help you guys fo come rich.

John 8:29

Da One dat sen me hea, he stay wit me. He no leave me. I erytime do da kine stuff dat he like.”

Matthew 26:42

Den Jesus pray to God one mo time an tell, “Faddah, if dis kine suffa no can go way from me, az okay, I still yet goin do um. I like do da way you like me fo do um.”

Matthew 10:25

Az good enuff wen one guy dat stay learn come jalike his teacha, an wen one worka guy do one good job jalike his boss. So wen dey call da main guy inside da house ‘Beelzebub Da Devil,’ den fo shua dey goin call his ohana ‘Da Devil Guys’ an even mo worse tings.

Songs 69:20

Da way dem guys talk bad bout me, Inside I come real sore. I look fo somebody Dat can take away da sore, But no mo nobody can do dat.

John 15:24

I do da kine stuff in front dem dat no odda guy do eva. If I neva do dat, den dey neva know dey stay do da bad kine stuff. But now dey see me an my Faddah, an dey hate us two guys.

John 15:10

If you guys stay do wat I tell you guys fo do, den you guys goin hang in dea an stay tight wit me fo shua, an I goin give you guys my love an aloha. Jalike I do wat my Faddah tell me fo do, an he stay give me plenny love an aloha.

Matthew 26:39

He walk mo down, an go down on top da groun, an talk to God lidis: “God, you my Faddah. If can, no let me suffa lidis. But if no can, dass okay. I like do um da way you like, not da way I like do um.”

Matthew 27:44

An da prisona guys dat stay nail on dea cross nea him, dey make fun a him too, jalike da odda guys.

Philippi 2:5

All you guys, figga lidis, jalike Jesus Christ.