Rome 11:3 - Hawaii Pidgin Bible

³ Elijah tell: “Eh, You Da One In Charge! Da guys you wen sen fo talk fo you, Dese da ones da Israel peopo wen kill! Da altar wea dey make sacrifice fo you, Dey bus um up. Me da ony guy dat talk fo you Dat stay alive still yet. But den, dey still try fo kill me too!”

Rome 11:3 交叉參考

1 Kings 18:4

Befo time, wen Jezebel stay kill da guys dat talk fo Da One In Charge, Obadiah wen take one hundred a dem an hide um, fifty inside one big cave, an fifty mo inside anodda cave, an he make shua dey get food an watta.)

Jeremiah 2:30

I wen punish you guys kids, but ony wase time! Dey no come sorry bumbye. You guys wen kill yoa guys dat talk fo me, Jalike you one hungry lion an wipe dem out.”

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

1 Kings 18:13

Maybe nobody tell you, boss, wat I wen do befo time, da time Jezebel stay kill da guys dat talk fo Da One In Charge. I wen take hundred a dem an hide um inside two big cave, an make shua dey get food an watta.