Prieses 5:8 - Hawaii Pidgin Bible

⁸ He goin bring um by da pries guy. He goin give da firs bird to da pries guy fo da sacrifice cuz a da bad ting he wen do. Da pries guy goin pull da head from da neck, but no take um off all da way.

Prieses 5:8 交叉參考

Prieses 1:15

Da pries guy goin bring da bird by da altar, an pull off da head. He goin take out da neck part an pull out da feathers on top um, an throw um down by da east side a da altar wea dey put da ashes. He goin pull da bird open by da wings, but not pull um all da way off. Den he goin burn up da bird on top da altar. Da blood goin run off da side a da altar.

Prieses 1:17

Wen da pries guy burn up da whole bird on top da altar, az one burn up kine sacrifice, so da smoke from da fire go up an make one real nice smell fo me, Da One In Charge.

1 Peter 3:18

You know, Christ wen mahke ony one time cuz erybody stay do bad kine stuff. He erytime do da right ting, but den he wen mahke fo all da peopo dat stay do bad kine tings. He wen mahke fo you guys come nea God. Christ get one body jalike us, an peopo wen kill him, an God Spirit wen make him come alive one mo time.

Rome 4:25

Jesus wen mahke cuz us neva ack how us suppose to ack. An den, Jesus come back alive one mo time fo make us guys get um right wit God.