Prieses 3:6 - Hawaii Pidgin Bible

⁶ “If somebody bring one sheep fo da kine sacrifice dat show dat him an me, Da One In Charge, stay tight wit each odda, he can bring one boy kine sheep, o one girl kine sheep, dat no mo notting wrong wit um.

Prieses 3:6 交叉參考

Efesus 1:10

God make dis plan fo do all dat wen da right time come. Dis da plan: God goin bring togedda eryting he make, an his Spesho Guy Christ goin be in charge. Dat mean Christ goin be in charge a eryting inside da sky an inside da world!

Galatia 4:4

But wen da right time come, God sen his Boy. One wahine born him, an he gotta do wat da Rules tell um fo do.

Galatia 3:28

Now, no matta Jew o not one Jew, slave o not one slave, guy o wahine, you guys all same same cuz you stay tight wit Christ.

Jesus Guys 4:27

“An dass wat wen happen! Had King Herod an da govna Pontius Pilate, an da peopo dass not Jew guys, an da Israel peopo. Dey all come togedda inside dis town fo make one plan how dey goin kill Jesus. He yoa Good An Spesho Worka Guy, da One You Wen Sen.

Isaiah 60:7

All da sheeps from Kedar goin come togedda fo you guys. Da goats from Nebaiot goin be wat you guys need Fo make good kine sacrifice on top my altar. An I goin make my awesome Temple mo nice still yet.

Prieses 1:10

“If da sacrifice goin be da kine dey burn up one sheep o one goat, da guy gotta bring one boy kine sheep o one boy kine goat dat no mo notting wrong wit um.

Prieses 1:2

He tell Moses fo tell da Israel peopo dis: “If any one a you guys make one sacrifice fo me, Da One In Charge, bring one cow o sheep o goat.

Prieses 22:20

“No bring notting dat get someting wrong wit um, cuz I no goin take dat kine fo make good fo you guys.

Census 15:5

Wit ery bebe sheep you bring fo da burn up kine sacrifice, give one quart wine fo da drink sacrifice.

Prieses 19:5

“Wen you guys make one sacrifice dat show dat you an me, Da One In Charge, stay tight wit each odda, make um da right way fo me like take um from you.

Prieses 23:19

Den, make one sacrifice wit one boy kine goat fo da kine sacrifice cuz a da bad kine stuff da peopo wen do, an two boy kine bebe sheeps, da one year ol kine, fo make da kine sacrifice dat show dat you guys an me, Da One In Charge, stay tight wit each odda.

Census 6:14

All dem goin make dis spesho kine sacrifice fo me Da One In Charge ova dea: one boy kine bebe sheep one year ol, dat no mo notting wrong wit um, fo make one burn up kine sacrifice; one girl kine bebe sheep one year ol, dat no mo notting wrong wit um, fo make one sacrifice wen somebody do someting bad; one boy kine sheep dat no mo notting wrong wit um, fo tell erybody dat me Da One In Charge an da Nazir guy stay tight wit each odda;