Prieses 18:4 - Hawaii Pidgin Bible

⁴ You guys gotta do wat my rules tell you fo do, an make shua fo live da way I tell you gotta do. Me, Da One In Charge, I yoa God.

Prieses 18:4 交叉參考

Prieses 18:2

fo talk to da Israel peopo one mo time an tell: “Me, Da One In Charge, I yoa God.

John 15:14

You guys stay my frenz, if you guys do da stuff I stay tell you guys fo do.

Ezekiel 36:27

An I goin put my Spirit in charge a you guys. He goin make you like live da way I tell you gotta live. Dass how you goin make shua you do wat my rules tell you fo do.

Ezekiel 20:19

Me, I yoa God, Da One In Charge. Stick wit da rules I wen make, an wit wat I tell you guys bout wass right an wass wrong.

Songs 119:4

Eh God! You tell us guys wat fo do, An we gotta do um fo real kine.

Rules Secon Time 6:1

Moses tell dis too: “Dis wat oua God, Da One In Charge, wen tell me fo teach you guys—all da stuff you gotta do, an da rules bout wass right an wass wrong. Dass wat you guys gotta do inside da land wea you goin go fo take um ova, da odda side a da Jordan Riva.

Prieses 20:22

“You guys gotta make shua fo do wat all my rules tell, eryting I tell you cuz I da judge. Den no need throw out you guys from da land wea I goin bring you guys fo live.

Prieses 19:37

“You guys gotta make shua fo do all da tings I tell you guys you gotta do, an all da rules I give you fo do um. Cuz me Da One In Charge.”

Prieses 18:26

But you peopo gotta make shua you live da way I tell you gotta do, an do wat my rules tell you fo do. An you gotta no do notting dat stay pilau, da kine I tell you bout. Da guys dat born hea an da guys from anodda place dat live wit you guys, same ting, dey betta not do notting dat stay pilau kine.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

Ezekiel 37:24

“My worka guy David goin be da king ova dem. Dat mean ony goin get da one sheep guy fo take kea all dem. Dey goin live da way I tell um wass right an wass wrong, an make shua dey do wat I tell um dey gotta do.

Songs 105:45

You know how come God give um all dat? Az fo dem do Wat he tell um dey gotta do, An fo dem take in wat he teach, An do um. Eh erybody! Go tell good stuff Bout Da One In Charge!

Prieses 18:5

Make shua you live da way I tell you gotta live, an do wat my rules tell you fo do. Anybody dat do wat my rules tell, dey goin stay alive an get life cuz dey do um. Me, Da One In Charge, da God dass fo real kine.

Prieses 19:19

“Do wat I tell you you gotta do. “No make diffren kine animals breed wit each odda. “No plant two diffren kine seeds inside yoa field. “No wear da kine clotheses dat somebody weave from two diffren kine string, jalike wool an linen.