Philippi 2:26 - Hawaii Pidgin Bible

²⁶ He tink plenny bout all you guys. Bodda him plenny dat you guys wen hear he stay sick.

Philippi 2:26 交叉參考

Philippi 1:8

God know how plenny love an aloha I get fo you guys. I feel lidat cuz Jesus Christ feel lidat.

Efesus 3:13

Az why I stay tell you guys, no come bum out jus cuz I stay suffa plenny fo you guys. I do all dis fo peopo know how awesome you guys stay.

Rome 12:15

Wen odda peopo feel real good inside, you feel good inside wit um—an wen dey cry, you cry wit um.

Isaiah 61:3

Da One In Charge sen me fo help da peopo Mount Zion side Dat stay sad inside. He tell me fo give dem One nice haku lei fo put on top dea head, An take away da ashes. An make dem stay feel good inside wit perfume Fo dem no stay sad inside no moa. He sen me fo give um one nice robe fo wear Dat make erybody like tell, “Da One In Charge, da greates!” So dea spirit no feel jalike dey lose fight no moa. Dey goin show dat Da One In Charge make dem get um right wit him, Jalike dey strong oak trees dat Da One In Charge wen plant Fo show how awesome he stay.

Smart Guys 12:25

You worry plenny, make you lose fight. You get good kine words, make you like dance an sing.

Philippi 4:1

Eh, my braddahs an sistahs. I get plenny love an aloha fo you guys, an I miss you guys. You guys make me feel real good inside jalike I get one crown on top my head! Az why I tell you guys awready, stan strong an stay solid inside! You guys can do um cuz you stay tight wit Da One In Charge.

Rome 9:2

I tell you guys dis: Inside I stay plenny sore an I stay hurt all da time. I stay lidat inside cuz a how my peopo stay.

Matthew 26:37

He take Peter an da two Zebedee boys wit him. Den he come real sad inside, an all dat bodda him real plenny.

Matthew 11:28

“All you guys dat stay work hard an carry heavy kine stuff dat make you come wore out, come! Go come ova hea by me. I goin give you guys res.

Songs 69:20

Da way dem guys talk bad bout me, Inside I come real sore. I look fo somebody Dat can take away da sore, But no mo nobody can do dat.

2 Samuel 13:39

Bumbye, da king pau stay sad cuz Amnon mahke, but now he stay sad fo no see Absalom.

1 Peter 1:6

Dass why you guys feel real good inside. No matta now fo ony short time you guys gotta suffa plenny cuz you get all kine hard time.

Philippi 1:3

Erytime I tink bout you guys, I tell my God, “Mahalo plenny fo da Philippi peopo!”

Galatia 6:2

Help da odda guy wen you know dat he need help. If you do dat, you goin do eryting Christ rules tell you fo do.

2 Corint 9:14

Da Christian peopo Jerusalem side goin pray fo you guys, an dey goin like see you guys mo an moa, cuz God do choke plenny good tings fo you guys.

1 Corint 12:26

If one part a da body suffa, all da odda parts suffa, same time. If one part a da body stay awesome, all da odda parts feel good, same time.

Rome 1:11

I fo real kine like stay by you guys, cuz I like share da good kine stuff from God Spirit wit you guys. Den you can stay mo strong an mo solid inside.

Jesus Guys 21:13

Den Paul tell, “How come you stay crying an make me come sad? I stay ready fo get all tie up, an even fo mahke inside Jerusalem, fo show how awesome Da One In Charge stay, az Jesus.”

Job 9:27

If I tell God, ‘I goin foget wat I wen squawk bout, I goin change how I look, an smile.’

2 Samuel 24:17

Wen David see da angel dat stay kill da peopo, he tell Da One In Charge, “Eh! I da guy dat wen do dis bad kine ting! I da one wen do wass wrong! But dese guys, dey jalike sheeps! Dey neva do notting bad! Mo betta punish me an my braddahs an sistahs!”

Philippi 2:25

I figga I gotta sen Epafroditus back by you guys. He one braddah fo real kine, an he work an get hard time same jalike me. You guys wen sen him ova hea fo tell me how you guys stay, an fo kokua me wateva I need cuz he stay work fo God.

Philippi 2:27

Da guy was sick fo shua—he litto mo mahke. But God get pity fo him, an give him chance fo come good. An God get pity fo me too, so I no come all sore inside—eh, you know, I stay plenny sore inside awready.