Philippi 2:14 - Hawaii Pidgin Bible

¹⁴ Eryting you guys do, no grumble, no make argue.

Philippi 2:14 交叉參考

1 Peter 4:9

Give da peopo from anodda place one place fo stay an no grumble bout um.

1 Corint 10:10

No good us grumble. Some a da peopo wen grumble ova an ova, an da Killa Angel Guy wen wipe um out.

Philippi 2:3

No go do stuff cuz you tink you mo betta den da odda guys, o cuz you like make one big show. Mo betta, figga lidis: odda peopo can do some tings mo betta den you. No get big head.

James 5:9

Eh my braddahs an sistahs, no grumble bout each odda. Bumbye Jesus da Judge goin check you guys out. He stay ready fo come back!

Rome 12:18

Try yoa bestes fo be da one dat do eryting fo live good wit erybody wit aloha, no matta dey go agains you.

1 Tessalonika 5:15

Make shua nobody go do bad kine stuff to anodda guy fo pay um back fo da bad kine stuff he wen do. But try erytime fo do good kine stuff to each odda, an to all da odda guys too.

James 1:20

Cuz wen you come all huhu, dat no help you fo do da right kine stuff God tell you suppose to do.

Galatia 5:26

No get big head. No try make da odda guy like beef. No try be mo betta den da odda guy.

Galatia 5:15

But if you guys go beef each odda, an eat up each odda jalike wild animals, den watch out, cuz you guys goin make each odda come wipe out.

James 3:14

If bodda you guys wen you tink somebody mo betta den you, an you hate um cuz dey get mo betta stuffs den you, eh! no talk big an tell you smart an know wat fo do erytime. If you talk lidat, you ony stay bulai peopo. You no tell da trut.

Rome 14:1

Wen get one guy dat trus God but he not strong inside yet, bring um inside yoa ohana. But no make argue bout wat da guy tink.

Songs 106:25

Dey ony stay inside dea tent an grumble. Dey no lissen wat Da One In Charge Tell um fo do.

Jude 1:16

Dose buggahs, dey ony like grumble an poin finga all da odda peopo. Dey do any kine how dey like. Dey talk big bout who dem. Dey talk good bout da odda peopo, ony fo make da odda peopo do good kine tings fo dem.

1 Peter 3:11

He betta not do da bad kine stuff no moa, Ony do da right kine stuff. He gotta like fo real kine Fo learn how fo make good wit erybody, An work hard fo do dat.

Hebrews 12:14

Try erytime fo make pono wit erybody, an erytime da way you live, make um good an spesho fo God. Cuz ony da peopo dat go all out fo stay spesho fo Da One In Charge goin see him fo real kine.

Rome 16:17

My braddahs an sistahs, I get one mo ting fo tell you guys: Watch out fo da kine peopo dat try hard fo make you guys go agains each odda fo split you up, an try fo make you guys do bad kine tings! Da stuff dey tell you guys stay agains da tings us guys wen teach you. So, no go hang aroun dat kine peopo!

Jesus Guys 15:2

Paul an Barnabas no take wat dey tell an make one big argue agains all dat. Cuz a dat, da Antiok church leadas pick Paul an Barnabas an some odda guys dat trus Jesus. Dey sen um Jerusalem side fo talk bout dis cut skin stuff wit da guys Jesus wen sen all ova, an wit da older Jerusalem leadas.

Jesus Guys 6:1

Dat time had mo an mo peopo dat come Jesus guys. But get Jew peopo from places wea erybody talk da Greek language. Some a dem trus Jesus. But dey squawk agains da peopo dat talk da local Hebrew language, cuz ery day wen da church peopo make food fo da widows dat no mo notting, da local peopo neva help da widows dat talk Greek kine. Dey ony help da widows dat talk da local language.

1 Tessalonika 5:13

Cuz dey do dat kine work, I like you guys show dem all kine love an aloha, an make to dem jalike dey importan guys fo you. Live togedda wit aloha.

Census 14:27

“How long moa, all dese bad kine peopo goin grumble bout me?! I hear all da stuff da Israel peopo tell wen dey grumble an poin finga me.

2 Corint 12:20

I sked dat wen I come ova dea, maybe I goin see you guys no stay live how I like you stay live. I sked you guys goin squawk at each odda, stay jealous, stay huhu, ony tink bout you, talk any kine bout each odda, talk bad bout odda guys, get big head, an eryting goin be hamajang. An maybe you guys goin see dat I no stay how you guys like see me too.

Jesus Guys 15:39

Paul an Barnabas make argue plenny bout dat. So dey split up. Barnabas take da guy John Mark an ride da boat up Cyprus side.

Jesus Guys 15:7

Dey talk long time. Den Peter stan up an tell, “Braddahs, you know dat befo time God pick me fo go tell da peopo dass not Jew guys da Good Stuff Bout Jesus fo dem trus him.

Mark 14:5

How come she neva sell um fo plenny money, an give um to da peopo dat no mo notting?” An dey scold her.

Matthew 20:11

“Wen dey get dea pay, dey start fo grumble to da boss owna guy.

Smart Guys 13:10

Da kine guys dat tink dey so smart, Dey ony like make argue all da time. Da kine guys dat lissen smart peopo Fo tink out wat da bestes ting fo do, Dey da ones dat know wat fo do erytime.

Mark 9:14

Jesus an his three guys come by his odda guys, an dey see plenny peopo dea. Some teacha guys dat teach da Rules From God stay make argue wit Jesus guys.

Luke 5:30

But da Pharisee guys an da teachas dat teach da Rules From God an stay tight wit da Pharisee guys, dey grumble at Jesus guys. Dey tell, “Eh, how come you guys stay eat wit da guys dat colleck tax money an odda guys dat get one bad rep?”