Philippi 1:23 - Hawaii Pidgin Bible

²³ I get presha dis way an dat way! Me, I like bag an stay wit Christ awready! Dass mo betta, aah?

Philippi 1:23 交叉參考

2 Corint 5:8

Us guys feel real good inside bout dis. Dass why we figga, mo betta leave dis body hea, an go live up dea wit Da One In Charge.

Songs 17:15

But me, I goin see you fo real kine Cuz I get um right wit you. Bumbye, wen I wake up, I goin see you right dea wit me, An dass goin be enuff fo me!

Jesus Show 14:13

Den I hear one voice from da sky tell, “Write dis: From now, erybody dat stay tight wit Da One In Charge till dey mahke, he goin do good tings fo dem.” God Spirit tell, “Yeah! Dey goin res from all dea hard work, an erybody goin know da good stuff dey wen do.”

Jesus Guys 7:59

Dey all throw stone at Stephen, an he tell Da One In Charge, “Jesus, you Da One In Charge. Take my spirit!”

Luke 23:43

Jesus tell him, “Eh, you get um! An I tell you dis: Today you goin be wit me inside God Beautiful Place.”

2 Timoty 4:6

But fo me, you know wat? Jalike I goin pour out my blood fo come one sacrifice awready. My time almos stay pau.

John 17:24

“Faddah, I like erybody dat you wen give me come by me wea I goin stay, cuz I like dem see how awesome I stay. Cuz you get love an aloha fo me, an you wen make me awesome befo us make da world.

John 12:26

Whoeva like be my helpa gotta go wit me an be my guy. Wea I stay, my helpa guy goin stay dea too. An my Faddah goin show respeck to dat helpa guy.”

Songs 49:15

But fo shua, God goin pay da price So I no gotta go Da Mahke Peopo Place. (Time out fo da music.)

1 Tessalonika 4:17

Afta dat, God peopo dat stay alive dat time an still stay hea, he goin take all us guys up dea inside da clouds, togedda wit dem odda peopo, fo give oua aloha to Da One In Charge, up dea inside da sky. An az how us guys goin stay wit Da One In Charge foeva!

John 14:3

Afta I go an make da place ready, I goin come back, an bring you guys ova dea wit me. Dass how da place I stay, you guys goin stay dea too.

Luke 12:50

But firs I gotta suffa plenny, an I get hard time now till dat pau.

1 Tessalonika 2:13

An we erytime tell God “Mahalo plenny” cuz a dis too: We wen tell you guys wat God tell, an you guys wen trus dat. You guys neva figga was ony wat peopo tell. Da stuff you guys wen trus was wat God tell, an dass fo real. An dass wat stay make you guys come diffren inside.

John 13:1

Was jus befo da Passova time. Jesus know dat was time fo him fo go outa dis world, an go by his Faddah. He erytime get love an aloha fo his peopo dat stay inside da world, an he get love an aloha fo dem to da max.

Luke 8:38

Da guy dat no mo bad kine spirits now, he beg Jesus fo him go wit Jesus, but Jesus tell him, “No, brah. No can.” Jesus tell,

1 Tessalonika 2:1

Eh, my braddahs an sistahs, you guys know dat da firs time we wen come by you guys no was wase time.

2 Corint 6:12

We wen give you guys love an aloha, but you guys no give us love an aloha.

2 Samuel 24:14

David tell Gad, “Bummahs! Dis hard fo me an I real sad inside! Mo betta Da One In Charge punish me how he like! Cuz he stay show us guys plenny pity awready! Mo betta da peopo not da ones fo punish me!”

Philippi 1:24

But if I stay hea inside da world, dat goin be mo betta fo you guys.