Nehemiah 9:7 - Hawaii Pidgin Bible

⁷ “You Da One In Charge, Da God dat wen pick Abram An bring um outa Ur town Babylon side. Den you give um da name Abraham.

Nehemiah 9:7 交叉參考

Start 17:5

From now, yoa name no goin be Abram no moa, dat mean ‘Importan Faddah.’ Yoa name goin be Abraham, dat mean ‘Faddah Fo Plenny Peopos.’ Cuz I stay make you da ancesta guy fo big stack diffren peopos.

Start 11:31

Den Terah talk to his boy Abram an his grankid Lot, Haran boy, an his daughtah-in-law Sarai, da one dat marry his boy Abram. He tell um: “Eh, we all go move house Canaan side!” So dey go outa Ur, da Kaldea town, fo go Canaan side. But dey neva go Canaan yet cuz dey stop Haran town firs an make house ova dea.

Isaiah 51:2

Tink bout Abraham, da main ancesta guy All you guys come from, An Sarah, yoa main muddah. Wen I tell Abraham fo come be my guy, Was ony him, one guy. I do plenny good stuff fo him, An give him plenny kids an grankids.

Rules Secon Time 10:15

But still yet, Da One In Charge wen like yoa ancesta guys, an get love an aloha fo dem. An he pick you guys dat come from dem! He neva pick any odda peopos. An dass how stay today.

Start 15:7

An Da One In Charge tell Abram anodda ting. He tell, “Me, Da One In Charge, da One dat wen bring you outa Ur town Kaldea side. I wen bring you ova hea cuz I goin give you dis land. Dis land goin come yoa land bumbye.”

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

1 Records 1:27

an Abram, (az Abraham).