Nehemiah 5:5 - Hawaii Pidgin Bible

⁵ But us get da same blood an bones jalike da peopo from oua ohana dat we stay borrow da money from. Oua kids an dea kids, same ting. But us guys, we gotta sell oua boys an girls to dem fo make um come slaves, an some a da girls, dey slaves awready. Us no mo powa! Get odda Jew peopo dat take ova oua land fo plant, an oua grape farms too!”

Nehemiah 5:5 交叉參考

2 Kings 4:1

Had one wahine dat befo time stay marry one guy dat talk fo God, but he mahke awready. She go by Elisha an tell um, “My husban, yoa worka guy, he wen mahke, you know. An you know he was da kine guy dat get awesome respeck fo Da One In Charge. But he owe money to one guy. An now dat guy come fo take my two boys fo come his slave, fo pay wat my mahke husban owe him.”

Isaiah 58:7

Wen you guys no eat food so you can pray, Share yoa food wit da hungry peopo! Da peopo dat no mo notting an homeless, Bring um wea dey can live! Wen you see peopo dat no mo clotheses, Give um clotheses! An no go hide Wen yoa ohana guys need fo you help um!

Start 37:27

Mo betta us guys sell um to da Ishmael ohana guys! Az how no need fo us kill da buggah. Cuz he oua braddah, you know. Us get da same blood an da same bone.” Da odda braddah guys, dey like wat Judah tell.

Matthew 18:25

But da worka guy no mo money fo pay him, so da king tell da odda worka guys, ‘Kay den. Go sell da guy fo make him one slave, an sell his wife an his kids too, an eryting he get. Dass how he goin pay wat he owe.’

Start 29:14

an Laban tell him, “Fo shua, me an you get da same blood!” Jacob stay dea one month.

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Smart Guys 22:7

Da rich guys tell da guys dat no mo notting Wat dey gotta do. Same ting, da guys dat borrow money, Dey jalike one slave dat gotta do Wateva da guy tell um fo do Dat lend um da money.