Nehemiah 5:10 - Hawaii Pidgin Bible

¹⁰ Me an my braddahs, an da guys dat work fo me, we all stay lend money an wheat to da odda guys too. An we gotta no charge um too much too.

Nehemiah 5:10 交叉參考

2 Corint 6:1

Cuz us guys stay work togedda wit God, we like give you guys good kine words: No let all da good kine stuff God wen do fo you guys stay fo notting.

2 Corint 5:20

Us guys da guys dat talk fo Christ. We tell all da peopo dat God stay beg um fo come back. Cuz us Christ guys, we stay beg you guys, “Eh, come pono wit God.”

2 Corint 5:11

Us get choke respeck fo God. Dass why we try fo help da peopo get da same kine respeck fo him. God know how we stay inside. I like you guys know how we stay inside too.

Micah 2:1

“Bummahs, fo da guys dat make plan fo do bad kine stuff! Dass wat dey tink bout wen dey res on top dea bed. Den wen da sun come up dey go do um, Cuz dey get da powa fo do um.

Ezekiel 18:13

He loan money fo him get plenny mo money back, o he take extra money on top dis. You tink dat kine guy goin get da real kine life, o wat?! No ways! He no goin get da real kine life! Cuz he do all dat pilau kine stuff, he goin bleed an mahke fo shua, an he goin get da blame fo da kine stuff he wen do.

Ezekiel 18:8

He no loan money fo him get plenny mo money back, o take extra money on top dis. He hold back his powa fo do stuff dat no stay pono. Wen he judge, he make same same to erybody.

Songs 15:5

Dey no charge extra interes Wen dey lend money. Dey no take dirty money From somebody dat like hurt one guy Dat neva do notting bad.” Dass wat God tell. Dat kine peopo, dey da ones Dat goin stan solid foeva!

Nehemiah 5:7

Afta I tink plenny bout all dat, I take da alii guys an da govmen guys in front da judge. I tell all dem guys, “How come you guys stay take tings from yoa peopo?! You charge mo fo loan um money, an den wen dey no can pay, you charge um some moa!” Az why I tell all da peopo fo come togedda fo do someting bout dem guys.

Nehemiah 5:9

Den I tell, “Da tings you guys stay do, dass not right! Mo betta you guys live da way dat show you guys sked a God! Az how da odda peopos dat stay agains us, no can say notting bad bout us!

Nehemiah 5:11

So, right now, give um back dea lands fo plant, dea grape farms, dea olive trees, an dea houses. Cuz you guys wen lend um money an wheat an wine an olive oil awready. But you wen charge um too much! Give um back da part dass to much!”

Isaiah 58:6

“But dis da way I tell gotta be Wen you guys skip food fo pray: Anybody dat stay in jail Cuz da judge wen judge um da wrong way, Get um outa jail! Anybody gotta carry one heavy load Jalike one yoke fo cows fo pull one wagon, Hemo da yoke! Anybody stay suffa cuz dey get plenny presha, Let um go an no make dem come slaves one mo time! Broke up all da yokes!

Rules Secon Time 15:2

Dis how you goin do um. Erybody gotta let go an foget bout wat dey wen lend to anodda Israel guy. Dey no goin tell da odda Israel guy fo pay back wat dey owe, cuz az jalike dea braddah, you know, an az da time wen Da One In Charge tell erybody fo no go afta wat dey owe you.

Nehemiah 10:32

“We tell we get da kuleana fo erybody pay one third part a one shekel silva ery year fo da Temple Wea Oua God Stay fo do da work dea.

Ezekiel 18:7

Dat kine guy no put presha on top nobody. An wen he loan money an keep someting da odda guy own fo make shua da guy goin pay um back, den, wen da odda guy pay wat he owe, da guy dat wen loan um, he give back da ting right den an dea. He no rip off nobody. He share his food wit da guy dat stay hungry. He share clotheses wit da naked guy.