Nehemiah 4:4 - Hawaii Pidgin Bible

⁴ Den dis how I pray: “God, you da God us guys pray to, so lissen us! Dey no like us guys. Dey like us guys feel shame. But make um so dem da ones get shame! Make odda peopo take ova dem An make um prisonas Dat gotta go live anodda land!

Nehemiah 4:4 交叉參考

Songs 79:12

Boss, fo erytime Da peopo dat live nea us Talk harsh kine to you, Go do bad tings to dem, Seven mo times!

Smart Guys 3:34

Wen get guys ack jalike odda peopo junk, God make jalike dey junk too. But da peopo dat erytime go las, He make dem so erybody like dem.

Hosea 12:14

But da Efraim peopo, dey make Da One In Charge come real piss off wit dem. Da One In Charge put da blame on all dem Cuz dey make peopo bleed an mahke. He goin pay dem back Cuz dey talk bad to him.

1 Samuel 17:26

David aks some odda guys dat stan nea him da same ting, “Eh! Wat dey goin do fo da guy dat kill dis Filisha guy an hemo da shame fo da Israel peopo? Us guys, da army fo da God dat stay alive fo real kine! Who dis Filisha guy tink him?! He no mo God cut skin mark! He ony ack big fo try make us Israel guys come shame, aah?!”

Nehemiah 5:9

Den I tell, “Da tings you guys stay do, dass not right! Mo betta you guys live da way dat show you guys sked a God! Az how da odda peopos dat stay agains us, no can say notting bad bout us!

Sad Song 1:22

“I like you see all da bad kine stuff dey do. Pay um back hard! Jalike you wen pay me back hard, Fo all da stuff I wen do agains you. I stay moan plenny, An I stay weak an sad inside.”