Nehemiah 10:1 - Hawaii Pidgin Bible

¹ Dis da names dey wen write on top da paypa dat get da govmen wax kine seal: Me Govna Nehemiah, Hakaliah boy, an Zedekiah.

Nehemiah 10:1 交叉參考

Nehemiah 9:38

“Cuz a all dis, us guys like make one deal wit each odda fo all us can trus. We stay write um all down on top one paypa, an da alii guys an da Levi ohana guys an da pries guys, dey goin sign um. Den we roll um up an seal um wit da govmen seal.”

Nehemiah 8:9

Den Govna Nehemiah, an da pries guy Ezra dat stay teach da Rules, an da Levi ohana guys dat stay help da peopo fo undastan, dey all tell da peopo, “No cry!” Cuz all da peopo, dey stay cry wen dey hear wat da Rules tell. “Dis one day dat stay spesho fo Da One In Charge, yoa God!”

Nehemiah 1:1

Dis da Nehemiah story. Nehemiah tell bout wat wen happen to him. He Hakaliah boy. He tell dis: Artaxerxes was king inside Persia. Was Novemba, da numba 20 year dat he stay king. Dat time, I stay live inside Susa town. Az da main town wea da king live.

Nehemiah 7:70

Some a da leada guys from da main ohanas wen give gifs fo help do da work. Me, da govna guy, I wen give da govmen guys dat take kea da money tousan gold coin, 50 gold bowl, 530 robe fo da pries guys.

Ezra 2:63

Da govna guy, he no even let um eat da food from da sacrifices dat suppose to be fo da pries guys eat. He tell um, gotta wait till get one pries dat get da right fo use da Urim an Tumim fo find out from God, Da One In Charge, wat fo do.

Nehemiah 7:65

I was da govna guy, az why I tell um dat dey no can eat da food dass spesho fo God yet, dey gotta wait till get one pries dat know how fo use da Urim an da Tumim fo aks God wat fo do.

Nehemiah 10:2

Da pries guys Seraiah, Azariah, Jeremiah,

Outa Egypt 24:4

Den Moses write down all da tings Da One In Charge tell. Da nex morning early, Moses tell da peopo fo help build one altar down from da mountain. He tell um fo set up twelve big stone aroun da altar, one big stone fo all da Israel ohanas.

2 Kings 23:3

Da king stan by da big bronze pos by da Temple door. He make one new promise in front Da One In Charge fo him an da peopo. He promise dat dey goin follow Da One In Charge. He tell dat dey goin do wat Da One In Charge tell um fo do. He tell dat dey goin lissen wen God tell um bad kine stuff goin happen, an do wateva Da One In Charge tell um dey suppose to do. Dey goin go all out fo do dis, an no hold back. Az how da king make one strong promise fo make happen all da stuff dey wen find inside da Book. Den all da peopo make one promise fo stick wit da deal too.

Ezra 10:3

Dis wat we betta do: We make one strong promise fo make one deal wit oua God fo sen back all oua wifes an dea kids dat come from da odda peopos. Eh Ezra, you da boss ova hea, an dass wat you stay tell us. An all da oddas dat stay sked an shaking wen dey hear wat oua God tell um fo do, dey stay tell us da same ting. Az why we goin do wat you tell us fo do. We goin do how da Rules From God tell.

Nehemiah 10:30

“Dat mean, we no goin give oua girls to da guys from dis land fo marry, an we no goin get dea wahines fo oua boys marry.