Nehemiah 1:9 - Hawaii Pidgin Bible

⁹ But if you guys come back an change how you ack, be my guys, an stay do all da tings I tell you gotta do, den I goin bring you guys back. I goin bring you guys togedda ova dea, da place I wen pick fo show wat kine god me fo you guys show respeck fo me. No matta you guys stay far place all ova da world, I goin bring you guys back!’

Nehemiah 1:9 交叉參考

Jeremiah 32:37

‘You know wat?! I wen scatta da Israel peopo all ova da diffren lands cuz I real mad at dem! But fo shua bumbye I goin bring dem back togedda an let dem live ova hea, fo dem no need worry bout notting.

Matthew 24:31

Da trumpet goin make big noise, an I goin sen my angel messenja guys fo bring togedda all da peopo dat God wen pick from all ova da world, ery place dat get undaneat da sky.

Jeremiah 12:15

An afta I throw out all dose diffren peopos from dea place, I goin show love an pity fo dem, an bumbye I goin bring all dem back to dea property an dea land.

Isaiah 56:8

Dass wat Da One In Charge, da Boss, tell! He goin bring togedda Da Israel peopo dat stay scatta all ova da place, Cuz odda peopo wen throw um outa dea land. He tell, “I still yet goin bring mo odda peopo Fo come togedda wit dem.”

Songs 147:2

Da one dat stay build Jerusalem town One mo time, az Da One In Charge! He bring back togedda da peopo Dat was prisonas Babylon side.

Ezra 6:12

God wen pick Jerusalem town fo be da place wea peopo can come cuz dey know wat kine god him. So den, if any king, o any peopo, change dis ting I tell hea, o if dey bus up dis Temple Jerusalem side, I like da God fo da Jew guys, bus dem up. Dis me, King Darius, dat stay tell you all dis. So do um, an no wase time!”

Rules Secon Time 12:5

“But you guys gotta find da place yoa God, Da One In Charge, goin pick from all da place wea yoa ohana peopo goin live. He goin put his name dea an stay dea, an you goin go dea fo show love an respeck fo him.

Ezekiel 36:24

I goin take you guys outa da odda nations an bring you guys togedda from all da odda lands. I goin bring you guys back inside yoa land.

Jeremiah 31:10

“Lissen wat me, Da One In Charge, tell, you peopos! Make shua erybody inside da far away islans know dis! Tell um: ‘Da One dat wen scatta da Israel peopo, He da One goin bring dem back togedda. He goin take kea dem Jalike one sheep guy take kea his sheeps.’

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.

Songs 106:47

Eh! You Da One In Charge! You da God fo us guys! So get us guys outa trouble! Bring us back togedda From wea all da odda peopos live, Fo us guys tell erybody us yoa guys. An we know wat kine god you, Cuz you stay good an spesho. Den we can talk real big Bout how awesome you stay!

1 Kings 9:3

Da One In Charge tell Solomon, “I wen hear wat you pray. I wen lissen wen you come in front me an beg me fo help you. Da Temple you wen build, I make um spesho fo me awready. I give da place my name foeva, cuz az da place wea can find out wat kine god me. An I goin watch dat place real good, an tink plenny bout um all da time.

Jeremiah 3:14

Da One In Charge tell dis too: “Go come back by me, you peopo dat like dig out an go way from me. Cuz I yoa husban, dat get da right fo tell you wat fo do. I goin pick some a you guys, one from one town, o two from one ohana, wea eva you stay scatta. I goin bring you guys back to da place dat stay spesho fo me, az Zion.

1 Records 16:35

Call out, “God, get us outa trouble! You da One can do dat! Bring us togedda, An get us outa trouble from da odda peopos! Den us goin feel awesome wen we tell erybody we know who you, An tell dat you stay good an spesho! Fo us tell erybody Dat you da greates!”

Rules Secon Time 12:21

If da place yoa God, Da One In Charge, pick fo put his name, stay too far from you, you can kill animals from da cows an sheeps an goats Da One In Charge stay give you guys, jalike I wen tell you. An you guys can eat how much you like inside yoa towns.

1 Kings 8:48

Ova dea inside dat land Wea da peopo dat make dem prisonas Stay agains my peopo, If my peopo change how dey tink an how dey feel inside, An dey pray to you from ova dea, Facing dis land Dat you wen give to dea ancesta guys, An dis big town you wen pick, An dis Temple dat I wen build Fo show wat kine god you,

Songs 107:3

God wen bring his peopo back togedda From all da diffren countries Wea dey stay, From wea da sun come up To wea da sun go down, From da north side An from da south side.

Isaiah 27:12

Dat time, Da One In Charge goin pick his peopo Jalike wen peopo wack da wheat o barley dey wen harves Fo get da good wheat one side an da junks da odda side. He goin take you Israel peopo, one by one, An bring you togedda, Jerusalem side, Even from da big Eufrates Riva An from da stream dass da borda fo da Egypt land.

Jeremiah 6:22

Dis wat Da One In Charge tell: “Look! Get army guys stay come from da north side. Peopo from da mos far part a da world Stay make ready fo war.

Ezekiel 14:6

“Az why you gotta tell da Israel ohana peopo wat me, Da One In Charge, da Boss, tell: Change yoa mind! Bag from yoa idol kine gods an no stay tight wit dem no moa! An tell dat you goin bag from all dat kine pilau stuff an no do um no moa!

Prieses 26:3

“If you guys live da way I tell you gotta live, an lissen up real good wat I tell you fo do,

Rules Secon Time 30:1

“Wen all dis good kine stuff an bad kine stuff dat I put in front you guys, come on top you guys, afta yoa God, Da One In Charge, sen you guys all ova da world fo make you live wit diffren peopos, den maybe you guys goin tink real good ova dea bout wat God wen tell you.

Zekariah 8:7

Dis wat Da One In Charge, Da God Ova All Da Armies, tell: “I goin get my peopo outa trouble from da lands on da east side an da west side.