Nahum 1:4 - Hawaii Pidgin Bible

⁴ He can talk strong to da ocean, an make um come dry. He make all da rivas come dry. Da green grass all ova Bashan an Carmel come no good too. Da flowas inside Lebanon come no good an mahke.

Nahum 1:4 交叉參考

Isaiah 33:9

Even da Judah land look jalike stay sad inside An plenny tired. Lebanon side, da trees look jalike dey come shame, An da leaf look jalike stay dry. Sharon side, no mo rain, Stay jalike da dry Arabah valley. Bashan an Carmel side, Da plants leaf, all stay fall down.

Songs 106:9

God tell da Red Sea Fo no ack jalike one ocean, An da place come dry. He make da peopo walk On da floor a da ocean Jalike dey walk thru da boonies.

Isaiah 51:10

You da One wen make da ocean dry up, No matta stay deep, an get plenny watta. Was you wen make one road Inside all da deep place, Fo yoa peopo go ova da odda side Afta you get da ones outa Egypt dat you wen free up.

Isaiah 44:27

I da One tell da deep ocean, ‘Come dry! I goin make yoa channels all dry.’

Songs 114:5

Eh! So, you, Red Sea, tell me dis: How come you so sked, You wen run away?! Eh you! Jordan Riva, tell me dis: How come you so sked, You wen turn aroun?!

Songs 114:3

Was jalike da Red Sea wen see dem Coming, an run away! Jalike da watta inside da Jordan Riva Wen turn roun An go back mauka side!

Songs 104:7

But wen you tell da watta fo go, she go, Jalike da watta come sked An run away wen you sen da thunda.

Songs 74:15

Was you wen open up da pukas Fo watta come outa da groun An split da valleys fo da streams. Was you wen dry up da rivas Dat get watta all da time.

Matthew 8:26

But he tell, “How come you guys sked? You guys ony trus me litto bit, o wat?!” Den he get up. He scold all da winds an da waves. Den eryting come calm.

Amos 5:8

“God, he da One wen make da stars— Da Pleiades an Orion stars, He change da real dark time an make um come morning time, He change da day time an make um come dark fo nite time. He tell da watta fo come up outa da ocean fo make rain clouds, Den he pour um out on top da groun. Da Boss, Da One In Charge, dass his name, cuz dass who him!

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Ezekiel 30:12

I goin make da Nile channels come dry groun. I goin sell da Egypt land fo da bad kine guys take um ova. I goin wase da land an eryting inside um. I goin use guys from odda countries fo do all dat. Az me Da One In Charge tell dis.

Job 38:11

I tell da ocean, ‘Go come up to hea, but dass it. Dis wea yoa awesome waves goin stop!’

Start 8:1

All dat time, God no foget Noah an all da wild animals an da farm animals dat was inside da big boat wit him. Dass how come God make da wind blow ova da world, an da flood watta start fo go down.

Joshua 3:16

Right den an dea, da watta dat come from mo high up in da riva stop. Make one pile far away mauka side, by one town name Adam, one side Zaretan. All da res a da riva watta dat go down to da Big Salt Lake go dea. So da riva bottom come dry up. Az how da Israel peopo go across da riva to da odda side nea Jericho.

2 Samuel 22:16

Da One In Charge yell, ‘Wat you guys stay do, not good!’ An he blow real hard cuz he huhu, Cuz a dat, can see da places wea da watta move thru da ocean, An can see da foundation, da ocean bottom.

Isaiah 42:15

I goin bus up da mountains an hills, An make eryting dat grow on top dem come all dry. I goin make da rivas come down low Fo dem get islans in da middo. I goin dry up all da ponds.

Ezekiel 38:20

Da fish inside da ocean, da birds in da sky, da wild animals inside da fields, all da small kine animals dat run aroun on top da groun, an all da peopo on top da earth goin shake cuz dey sked fo stan in front me. Da mountains goin fall down, da cliffs goin broke apart an come small pieces, an all da walls goin fall down on top da groun.

Songs 18:16

From up dea, jalike Da One In Charge put down his hand An pull me up outa da deep ocean. He get me outa trouble.