Micah 7:8 - Hawaii Pidgin Bible

⁸ You guys dat stay agains me, No laugh bout me! No matta I fall down, I goin stan up one mo time. No matta jalike I sit inside one dark place, Da One In Charge goin stay jalike one light fo me.

Micah 7:8 交叉參考

John 8:12

Jesus talk to da peopo one mo time. He tell, “I jalike da light fo da peopo inside da world. Whoeva come by me an be my guy, dey no goin go aroun inside da dark. Dey goin get da light dat make dem live fo real kine.”

Isaiah 9:2

Da peopo dat donno wat fo do, Jalike dey stay walk aroun inside one dark place, Dey goin know wat fo do, Cuz jalike dey see one big light. Da peopo dat live inside da place Wea erybody stay sked dey goin mahke, Da light stay come dea awready.

Songs 112:4

Fo da peopo dat do wass right, An give odda peopo chance, an pity dem, An do da right ting, God get dat kine peopo outa trouble, Jalike wen stay dark all aroun, Da light come out.

Songs 27:1

Da One In Charge, he help me, An he get me outa trouble, Jalike he da light fo me. No need fo me stay sked nobody! Da One In Charge, he goin make shua nobody kill me, Jalike he one strong wall fo me, I no need come sked an shaking.

Obadiah 1:12

No good you guys throw party fo laugh at yoa braddah Jacob guys, Wen dey get plenny trouble! No good you guys dance an sing Wen da Judah peopo come wipe out. No good you guys talk big an make fun Da time dey suffa plenny.

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

Songs 38:16

I wen pray to you lidis: “No go let da guys dat stay agains me Tink dey wen win ova me! No let um feel good inside If someting bad happen to me!”

Jesus Show 22:5

No goin get nite time no moa. Dey no goin need da light from da lamp o da light from da sun, cuz God, Da One In Charge, he goin give dem light. An dey goin be in charge a da world wit God da King foeva.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Job 31:29

“If one guy dat hate me get trouble an bad kine stuff happen to him, An I feel good inside an ack jalike I da winna—

Songs 97:11

God do good tings Fo da peopo dat get um right wit him, God make um shine bright. Da peopo dat do wass right, God make um stay real good inside.

Ezekiel 35:15

Cuz you Edom guys wen dance an sing an stay good inside wen odda guys wase da Israel peopo property, az how I goin make to you guys! You Seir Range peopo, an all you Edom peopo, I goin let odda guys wase you guys land an make eryting dea come skery. Den peopo goin know dass me Da One In Charge do all dat!”

Songs 35:19

Da bulaia guys dat stay agains me, No let dem feel good Cuz dey win ova me. Da ones dat hate me No matta I neva do notting to dem, No let dem smile cuz I feel bad.

John 16:20

Dass good you talk story bout dis! An I like tell you guys dis too: you guys goin cry an come sad inside, but da peopo hea inside da world, dey goin stay good inside. You guys goin stay cry inside, but afta, you guys goin stay good inside.

Malakai 4:2

But fo you guys dat feel real sked Wen you tink bout wat kine god me, Erybody goin see fo real kine wat stay right, Jalike wen da bright sun come up An you can see eryting mo clear. An dass goin make all you guys feel good. Den, you guys goin run aroun an jump, Jalike wen peopo let da bebe cows outa da pen!

Micah 7:10

Den da peopo from odda lands dat stay agains me goin see dat, An dey goin come plenny shame in front erybody. Cuz dey wen make fun a me an tell, ‘Eh! Yoa God, Da One In Charge, wea he stay?!’ But I goin see dem lose face! Dey goin come jalike da mud dat get on top da streets, Wen peopo walk all ova um.

Ezekiel 25:6

Cuz dis wat me Da One In Charge, da Boss, tell: You guys wen clap yoa hands, stamp yoa feets, an dance an sing, cuz you hate da peopo from da Israel land, an stay good inside wen all dat bad kine stuff happen to dem.

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

Amos 9:11

Plus, Da One In Charge tell dis: “Dis peopo dat had King David fo dea king befo time, Now dey all hamajang, jalike one shack ready fo fall down. But goin come da time, I goin fix up dea land jalike was King David time. Jalike da peopo fix one wall dass all broke an fall down, I goin fix dat wall dat was all bus up An put up da tings dat wen broke. I goin build um jalike was befo time.

Matthew 4:16

Da peopo ova dea dat stay inside da dark, Dey see one big light now. An all da guys dat stay In da dark place wea peopo goin mahke, Da light come fo dem.”

Jeremiah 50:11

“Cuz you Babylon guys Stay real good inside, An make jalike you da winnas, Da time you wen rip off my property, You guys wen feel good jalike one young girl kine cow Dat jump aroun all ova da grass. O jalike one strong boy kine horse Dat stay yell cuz he stay real good inside!

Isaiah 49:9

An I goin tell da prisona guys, ‘Go come! Go outside!’ An I goin tell da peopo Dat stay inside one dark place, ‘Go! You guys not prisonas no moa!’ “Jalike da sheeps an da goats, Dey goin find dea food by da side a da road, An on top da hills wea no mo tree.

Isaiah 2:5

You peopo inside Jacob ohana, Come. Us go walk Wit light from Da One In Charge, an do wass right.

Songs 37:24

No matta da guy trip, He no goin fall down, Cuz Da One In Charge Goin help him stan up.

Songs 37:21

Da peopo dat do bad kine stuff, Wen dey borrow money from you, Dey no pay you back. Da guys dat do wass right, Dey like give stuff to peopo Fo kokua dem.

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

2 Corint 4:9

Get guys dat make us suffa plenny, but God no bag from us. Dey bus us up, but dey no can wipe us out.

Songs 20:8

All dem odda guys, dey go down on dea knees an come wipe out, But us guys, we help each odda fo stan up, cuz us da winnas!

Jeremiah 8:4

Tell da peopo, dis wat me, Da One In Charge, tell: “Weneva somebody fall down, Dey goin stan up one mo time, aah? Weneva somebody go da wrong road, Dey goin come back an go da right road, aah?

Jeremiah 48:27

Befo time, was da Israel peopo Dat you Moab guys wen make fun a dem, aah?! Fo shua, you guys wen make lidat! You tink da Israel peopo Ony steala guys, aah?! No ways, dey neva make lidat! But az why you shake yoa head an tink, ‘Laytas wit dem!’ Weneva you talk bout da Israel peopo.

Ezekiel 36:5

Me, Da One In Charge, da Boss, tell dis: I stay real huhu jalike one hot fire! I stay huhu wit da odda nations an wit all da Edom peopo cuz dey get bad attitude, an make jalike dey get good fun wen dey take ova my property. Az cuz dey like rip off da grass land fo dea sheeps eat ova dea.

Micah 4:10

Squirm an yell, you Jerusalem peopo! Jalike one wahine dat stay born one bebe. Cuz now you guys gotta go way from da big town, An stay inside da boonies. You guys goin go all da way to Babylon town. Az wea you guys goin get outa dis trouble. Az wea Da One In Charge goin do wat he gotta do Fo get you guys outa trouble From da powa dat da peopo Dat stay agains you guys get.

Zekariah 12:8

Dat time me, Da One In Charge, goin proteck da peopo dat live inside Jerusalem, jalike I stay put one shield aroun um. Az how da mos weak Jerusalem guy goin be jalike David, an da David ohana goin be jalike God, jalike wen da angel guy from Da One In Charge go in front dem.

Songs 143:3

Da peopo dat stay agains me, Dey chase afta me, Dey poun me on top da groun Fo kill me. Dey put me inside dark places, Jalike da peopo Dat stay mahke long time.