Micah 7:1 - Hawaii Pidgin Bible

¹ Den Micah tell: “Bummahs! I feel jalike one guy dat like go pick up fruits summa time, Afta da harves guys harves um awready. An I no find grapes fo eat, An no mo early figs dat I plenny ono fo eat.

Micah 7:1 交叉參考

Hosea 9:10

Da One In Charge tell: “Was nice, firs time wen I wen find da Israel peopo! Az jalike wen you find grapes inside da boonies. Wen I see yoa ancesta guys, Az jalike I wen find da firs ripe fruits on top one fig tree. But wen dey wen come Baal-Peor, Dey go all out fo dat shame kine idol god ova dea. Dey come shame jalike da idol dey love.

Isaiah 28:4

Dat town, da army guys goin take um ova An rip off eryting, No matta da place stay look Jalike one nice looking flowa, On top a da Samaria hill, An stay jalike one real nice haku lei Dat stay come all dry up, Ova one valley wea eryting grow good! Dat town, goin be jalike one fruit dat come ripe early An somebody see um, An right den an dea, Dey grab um an eat um.

Isaiah 24:13

An dass how goin be, Right dea inside da middo a da land, Wit odda peopos all aroun dea. Ony litto bit peopo goin stay, Jalike wen dey wack da olive tree wit sticks Till ony litto bit olive stay on top, An jalike wen dey harves da grapes An leave litto bit grape Fo da pooa peopo dat no mo notting.

Isaiah 17:6

Goin be hard fo da Israel ohana peopo, Jalike afta you wack one olive tree wit one stick Fo bring down da ripe olives, an ony litto bit stay on top, Two-three olive on da high branch, Four o five on top da branches wea da fruit come out. Az how goin be, Da One In Charge, Da God Ova All Da Armies tell.

Jeremiah 45:3

“You tell, ‘Ho, man! I stay all jam up! Da One In Charge make me come mo an mo sore inside, so I stay hurt plenny! I stay real tired from moaning! I no can res!’ ”

Jeremiah 15:10

Den I tell: “Bummahs! Cuz my muddah wen born me Fo be da kine guy dat dis whole land like fight me An fight bout me. But I neva len nobody notting, An nobody borrow notting from me. Still yet, dey all like put kahuna on top me!”

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Isaiah 24:16

From da mos far places on top da earth We hear peopo sing, “Da peopo dat do da right ting erytime, Dey look real good!” But me, I tell dis: “Bummahs! Jalike I stay come wipe out! Cuz get peopo, I no trus dem. Dey tell, dey stay my side. But wen I wen trus dem, Dey trick me.

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Songs 120:5

Bummahs! I gotta live Far away from my peopo, Jalike I stay wit da no good peopo Meshek side, O jalike I put up one tent Wit da Kedar peopo.

Jeremiah 24:2

One basket get real good kine fig, da kine dat come ripe early. Da odda basket get rotten figs, real rotten so nobody eat um.

Census 18:13

All da firs food dey harves from da land fo bring fo me, Da One In Charge, goin be fo you guys. Erybody inside yoa ohana dat can come in front me, can eat um.

Smart Guys 20:6

Plenny peopo can tell you Dat dey yoa fren. But wen you try fo find somebody Dat you can trus all da time, No mo plenny peopo lidat.

Jeremiah 5:1

“Run up an down da streets inside Jerusalem town. Look aroun an tink hard. Look inside all da open places. If you guys can find one guy dea Dat can tell wass right an wass wrong, One guy dat fo real kine like know wass true, Den I goin let go all da peopo inside Jerusalem Fo da bad tings dey wen do, An hemo dea shame.