Micah 6:8 - Hawaii Pidgin Bible

⁸ Den Micah tell: “No need! Da One In Charge tell you awready Wass good fo you do, An how he like you fo ack. You gotta do wass right, An stay tight wit God ery day, An come las, not firs, wit God.”

Micah 6:8 交叉參考

Smart Guys 21:3

Wen us guys stay do wass right An judge da right way, Da One In Charge tink az mo betta Den jus fo make one sacrifice.

Colosse 3:12

God wen pick you guys, cuz he get plenny love an aloha fo all you guys. Fo show dat you guys stay spesho fo him, put on dis, jalike you put on yoa clotheses: Show love an pity fo odda peopo an make nice to dem. No get big head. Make shua you not da numba one guy. An hang in dea wit odda peopo fo long time.

Jeremiah 22:3

“ ‘Dis wat Da One In Charge tell: Inside dis place, judge da right way an do wat stay right. Make shua da guys dat rip off peopo no hassle da ones dey wen steal from da firs time. Fo da guys not from dis place, an da guys dat no mo faddah o muddah, o da wahines dat no mo husban, no go do stuff fo hurt dem o bus um up. No go kill somebody dat neva do notting wrong.

Hosea 6:6

Cuz make me feel good, Wen you guys stay tight wit me, Mo den wen you jus make sacrifice. Make me feel good, Mo den wen you jus make one burn up kine sacrifice Wen you guys know dat I God.

1 Samuel 15:22

But Samuel tell: “You tink dat Da One In Charge feel mo good inside Wen you make all da diffren kine sacrifice, O wen you lissen him?! Wen you lissen, dass mo betta Den wen you make one sacrifice! Mo betta wen you find out wat God like, Den, kill da sheep!

Isaiah 66:2

You guys know dat I wen make Eryting dat get, da sky an da earth, aah? Az how come dey stay hea.” Da One In Charge, he da One tell dat. An he tell: “I tell you, wat kine peopo I like lissen to! Da kine peopo dat no mo big head, An dat stay all bus up inside, An stay sked an shaking Wen dey hear wat I tell.

1 Peter 3:8

So den, all you guys, dis da las ting I goin tell you. Tink da same way. Get da same kine heart. Get plenny love an aloha fo da braddahs an da sistahs. Get pity fo each odda. No get big head fo notting.

Luke 6:36

Give chance jalike yoa Faddah give chance.

Luke 11:42

“Wassamatta you Pharisee guys?! You goin get it! You guys give God ten percent a eryting, even da mint spice an da rue spice, an all da odda kine herbs. But same time, no bodda you guys if you no do da right tings, an you guys no mo love an aloha fo God. Mo betta, make shua you get love an aloha fo God, an do da right tings, an no foget da ten percent too.

Amos 5:24

Mo betta, wen you judge da right way bout eryting, Goin be jalike get one big riva dat erytime get watta inside. Wen you do da right ting erytime, Az jalike one riva dat no dry up eva.”

Matthew 5:7

“Da peopo dat pity da odda peopo, an give um chance, Dey can stay good inside Cuz God goin pity dem an give um chance too.

Efesus 4:32

Mo betta make nice nice to each odda. Show pity an aloha to each odda. Let each odda go, jalike God let you guys go cuz a wat Christ wen do.

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Hosea 12:6

You guys, gotta go back by yoa God. Stay tight wit him, an do da right kine tings. Erytime trus yoa God an wait fo him.

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Matthew 5:3

“Da peopo dat know dey pooa an need God inside dem, Dey can stay good inside Cuz God in da sky, he dea King.

Zefaniah 2:3

All you peopo inside da land dat no mo big head, Dat do wateva Da One In Charge tell you fo do, Try know Da One In Charge mo betta! Try do da right kine stuff. Try no ack big head. Maybe he goin let you guys stay hide, Da time wen he goin show he stay real huhu.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Songs 37:26

Da peopo dat do da right ting, Dey erytime get one good heart Fo lend stuff to peopo. Peopo tell, “Wen God wen give kids To dose good guys, Was good wat he wen do fo dem!”

Nehemiah 9:13

“Wen dey stay Mount Sinai, You wen come down dea on top da mountain. You talk to dem from outa da sky an da air. You tell um da right tings fo do, An teach um da Rules dat dey can trus. An da good tings you tell um dey gotta do.

Songs 112:4

Fo da peopo dat do wass right, An give odda peopo chance, an pity dem, An do da right ting, God get dat kine peopo outa trouble, Jalike wen stay dark all aroun, Da light come out.

Sad Song 3:26

Az good fo wait an stay quiet, Till Da One In Charge get us outa trouble.

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Songs 73:28

Fo me, da bestes ting is dis: Fo me come mo tight wit you, God. Eh! Da One In Charge, my Boss, I go by you fo you proteck me! I goin tell erybody Bout all da awesome tings You stay do!

2 Records 34:27

You wen lissen, an you come sorry in front God wen you hear wat I wen tell agains dis place an da peopo. An cuz you come sorry an rip yoa clotheses, an cry in front me, az why I lissen you.’ Dass da message from Da One In Charge.

James 2:20

Wot! You pupule o wat?! If you trus God, but den, you no do good tings, az no good. You tink I gotta show proof a dat, o wat?

Rome 7:16

If I do da tings I no like fo do, den I know fo shua da Rules stay good.

2 Records 32:26

Laytas, Hezekiah come sorry cuz he wen come high nose, an same ting fo da Jerusalem peopo. Az why Da One In Charge no come huhu agains dem wen Hezekiah still stay alive.

1 Samuel 12:23

An me, if I wen no pray fo you guys, fo shua az one bad kine ting I wen do agains Da One In Charge. Az why fo shua I goin stay pray fo you guys! An I goin teach you guys da way dat stay good an right.

Rome 9:20

Eh, how come you talk back lidat to God, braddah? Who you tink you? Jalike da Bible tell befo time: “If get one guy dat make someting, dat ting no can tell da guy, ‘Eh! How come you wen make me lidis?’ ”

Luke 10:42

But you ony need one ting. Mary wen pick da mo betta ting, an nobody can take dat away from her.”

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

2 Records 33:23

But he no make jalike his faddah Manasseh, cuz he no come notting in front Da One In Charge, so he get even mo blame.

2 Tessalonika 2:16

Da One In Charge a us guys, Jesus Christ, an God oua Faddah too, dey get love an aloha fo all us guys. God get one good heart, an he no stop give us guys good kine words an help us wait till da good tings happen.

Start 5:22

An afta Metuselah born, Enok stay tight wit God wateva he do fo 300 year, an he get odda kids too, boys an girls.

Prieses 26:41

An fo me, fo shua all dat make me stay piss off wit dem too. Az why I sen dem inside da land a da peopo dat stay agains dem. Dey neva like lissen me. But wen dey start fo tink dey notting, an dey tell az okay fo me punish dem cuz a da bad kine stuff dey wen do,

2 Records 33:19

Da guys dat can see wass goin happen, dey write um all down. Dey write wat Manasseh tell wen he pray, an how Da One In Charge lissen him. Dey write all da bad kine stuff he do wen he stay agains Da One In Charge. Dey write bout da sacrifice places he build on top da hills, an bout da tiki poses he put up fo da wahine god Asherah an da idol kine gods, befo he come notting in front Da One In Charge.

1 Corint 7:16

But you sistah, if you one Christian wahine, maybe you can help yoa husban get outa da bad kine stuff. An you brah, if you one Christian guy, maybe you can help yoa wife get outa da bad kine stuff.

2 Records 30:11

But still yet, get some guys from da Asher, Manasseh, an Zebulun ohanas dat no ack big head bout dat, so dey go Jerusalem.

Luke 12:14

Jesus tell, “Eh, who wen give me da right fo judge dat, o fo half half da stuff an give you yoa share an yoa braddah his share?”

Rules Secon Time 30:15

“Look! Today I put in front you guys two ways you guys can go: You guys can live an good kine stuff happen. O you can mahke an bad kine stuff happen.

Isaiah 56:1

Dis wat Da One In Charge tell: “Make shua da judges fo you guys Stay judge da peopo da right way. All you guys, do da right ting erytime. Cuz litto bit mo time now, I goin get you guys outa trouble, Fo show erybody dat I do da right ting erytime.

Ezekiel 33:14

Maybe I tell one bad kine guy, ‘You goin mahke inside fo shua!’ But den he turn his life aroun from da bad kine stuff he wen do befo time, an now he do da good an right kine stuff.

Micah 6:9

Lissen up! Da One In Charge stay call To da peopo inside da big town Jerusalem. Wen peopo stay sked a God an show respeck, Cuz dey know wat kine god him, Dat show dat dose peopo know wat fo do erytime. “Lissen up good, you Judah ohana peopo, An da ones dat come togedda inside Jerusalem: Da army guys dat goin wipe out yoa town, Dey stay come awready!

Zekariah 7:9

“Dis wat Da One In Charge, Da God Ova All Da Armies, tell: Judge fair kine fo peopo trus you! Stay tight wit each odda, an show love an pity fo each odda!

Rules Secon Time 27:10

Do wat yoa God, Da One In Charge, tell you guys fo do, an stick wit his rules an da stuff I tell you guys today.”

Joshua 24:14

Den Joshua tell, “An now stay sked a Da One In Charge, an work fo him, an stay tight wit him. Throw out da gods yoa ancesta guys wen pray to da odda side a da Eufrates Riva an Egypt side, an work fo Da One In Charge.

Songs 101:1

I goin stay tight wit you, Da One In Charge, An I goin judge peopo da right way. Dass wat I stay sing bout now. I stay sing dis fo you, Da One In Charge.

Jeremiah 9:23

Dis wat Da One In Charge tell: “Da guy dat know wat fo do erytime No good fo him talk big dat he know wat fo do. Da guy dat know how fo fight No good fo him talk big dat he know how fo fight. Da rich guy, no good if him talk big bout how rich him.

Jeremiah 22:16

He wen make shua da judge guys do da right ting Fo help da peopo dat no mo notting, an need stuff. Dass how come eryting come good fo him. Cuz wen you know me, Da One In Charge, fo real kine, az how you goin ack! Az wat Da One In Charge tell.