Micah 5:11 - Hawaii Pidgin Bible

¹¹ I goin wipe out big towns inside yoa land, An broke down all yoa strong wall.

Micah 5:11 交叉參考

Zekariah 4:6

Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa!

Amos 5:9

He da One dat bus up da strong guys An broke down dea strong wall!

Hosea 10:14

Yoa peopo goin hear da loud noise from da war, An yoa towns wit strong wall goin come wipe out. Jalike wen Shalman wen wipe out Bet-Arbel, da time dey wen fight, Wen dey throw da muddahs an dea kids down on top da groun fo kill um.

Ezekiel 38:11

You goin tell, ‘Me, Gog, goin go afta da peopo inside da Israel land. Da peopo ova dea no mo wall aroun dea small towns. Da peopo I goin attack, no mo notting bodda dem, an dey figga no mo notting bad goin happen to dem. Dey all live wea no mo town wall, an no mo bar o gate door fo keep me outside.

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Isaiah 1:7

You guys land, nobody can live dea. Yoa big towns stay all burn up. You see da odda peopo take away All yoa food from yoa fields an eat um. An peopo from odda places take um ova.

Sad Song 2:2

Jalike da Boss wen wase all da houses fo da Jacob peopo. He no mo pity fo dem. He bus up da strong wall aroun da Judah peopo, Cuz he stay real huhu agains da peopo. He make da king an da princes lose face. He bring um down to da groun, Cuz nobody get respeck fo dem now.

Isaiah 2:6

Cuz Da One In Charge, you wen leave yoa peopo awready, Da Jacob ohana peopo. Dey lissen da odda peopo from da east side, Babylon side, So now dey even go call da spirit from da mahke peopo Fo come tell um wat goin happen bumbye, Jalike da Filisha peopo stay do. Yoa peopo stay make one deal wit da odda peopos Dat donno you.

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.