Micah 4:9 - Hawaii Pidgin Bible

⁹ How come now you guys cry lidat? You guys no mo king, o wat? All da smart guys dat tell you guys wass good fo you do, Dey all gone, o wat? How come you guys squirm an suffa Jalike one wahine dat stay born one bebe?

Micah 4:9 交叉參考

Jeremiah 8:19

Lissen how da peopo dat I get love an aloha fo Cry fo me help um From da lands dat stay far away. Dey tell: ‘Da One In Charge, he no stay Mount Zion, o wat? No mo da King ova dea, o wat?’ ” Da One In Charge tell, “Dey try make me come huhu Cuz a dea idol kine gods, Dea gods from anodda place dat good fo notting?”

Hosea 10:3

Den da peopo goin tell, “Us Israel peopo no mo king, Cuz us no mo respeck fo Da One In Charge! But even if we get one king, He no can do notting fo us guys!”

Hosea 3:4

Dass jalike one picha: Da Israel peopo goin stay long time. An all dat time, dey no goin get one king o prince, an dey no goin make sacrifice fo da odda gods. No goin get poses fo da odda gods dat stay kapu fo dem, o one spesho ves fo da Main Pries Guy, o small kine statues fo find out wat da odda gods tell.

Sad Song 4:20

Da leada guy dat Da One In Charge wen pick, dat make us guys stay alive, Dey wen catch him inside dea traps. Us wen tink us goin be one nation Wit him fo da main guy.

Jeremiah 50:43

Da Babylon king stay hear bout dis, An he lose fight. He no can handle! He real sore, jalike one wahine dat ready fo born one bebe.

Jeremiah 22:23

You da king dat live inside Lebanon kine palaces, Dat get cedar wood fo make high makamaka. You goin moan plenny wen you start fo hurt, Jalike one wahine wen she born one bebe.”

Jeremiah 4:21

How long I gotta look da war flag An hear da soun from da trumpets fo start fo fight?!”

Isaiah 26:17

Us guys stay jalike one wahine Az time awready fo born one bebe, Den her move aroun an yell Cuz her stay real sore. Dass how we wen stay cuz a you, Da One In Charge.

Isaiah 21:3

Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Isaiah 13:8

Dey stay real sked an lose fight. Dey feel sore inside, an no can keep still Jalike one wahine dat goin born one bebe. Dey look at each odda An dea face stay all red from da fire, Cuz Babylon town stay burn!

John 16:21

You know, wen one wahine goin born one bebe, she sad cuz she stay suffa. But afta da bebe born, she no tink bout dat no moa. Den she stay good inside cuz one bebe born hea inside dis world.

Jesus Show 12:2

She hapai, an she stay cry, cuz real sore fo born her bebe!

Jeremiah 48:41

Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Hosea 13:13

Da Efraim peopo hurt jalike one wahine born one bebe. But da bebe no like come outa da muddah!

Micah 5:3

Dass how come Da One In Charge goin bag from da Israel peopo, But ony till da time da leada guy muddah goin born her bebe. Den da odda Israel guys dat still stay prisonas Goin come back togedda an join wit da Israel peopo.

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.