Micah 4:8 - Hawaii Pidgin Bible

⁸ Jerusalem on top da hill, Goin stay jalike one watch towa. From dea, God goin watch ova his peopo, Jalike one sheep guy watch ova his sheeps. All da places wea da ol kings stay in charge befo time Goin get Jerusalem fo dea main town one mo time. Goin get king guys fo da Jerusalem peopo.

Micah 4:8 交叉參考

Isaiah 1:26

Den I goin bring good kine judge guys fo you guys, jalike befo time. An akamai kine peopo dat can tell you guys wat fo do, Jalike you guys wen get da firs time. Afta dat, peopo goin call you guys ‘Da big town wea erybody do da right ting,’ An ‘Da town wea you can trus da peopo.’ ”

Zekariah 9:10

He goin take away da war wagons from da Efraim peopo, An da war horses from Jerusalem. He goin broke da bow dey use fo fight. He goin tell da peopos dey gotta come good wit each odda. He goin be da leada from one sea to da odda sea, An from da Eufrates riva to da end a da world.

Jesus Show 22:5

No goin get nite time no moa. Dey no goin need da light from da lamp o da light from da sun, cuz God, Da One In Charge, he goin give dem light. An dey goin be in charge a da world wit God da King foeva.

Zekariah 9:12

Go come back by yoa strong wall, you prisona guys, Da ones dat stay wait fo me do someting. Even now I tell you guys Dat I goin give you guys back Two good tings fo ery bad ting Dat wen happen to you.

Obadiah 1:21

Da guys dat get oua peopo outa trouble, Dey goin go on top Mount Zion, Fo ovathrow da govmen fo da Esau mountains. An Da One In Charge, he goin be da king!

Start 35:21

Laytas, Israel move house one mo time. He put up tent da odda side Migdal-Eder.

Efesus 1:21

Dat show dat Christ mo importan den all da kine leadas inside da sky an all ova da place. He mo importan den da leadas dat get da right fo tell odda peopo wat fo do. An he mo importan den all da guys dat get powa fo do tings to odda peopo, all da ones in charge a someting, an all da guys dat get one big name. Christ, he stay da mos importan leada now, an he goin be da mos importan leada fo da time dat goin come bumbye.

Mark 12:1

Jesus start fo tell stories fo teach peopo. He tell, “One guy go plant one grape field. He make one fence aroun um, an dig one puka inside da groun fo squeeze da grapes. An he build one watch towa. Den he rent da grape farm to some farma guys, den he go far away.

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

2 Samuel 5:7

But David, he take ova da strong wall aroun Mount Zion! Nowdays, dass da place dey call “David Town.”

Census 24:19

Goin get one leada come from da Jacob peopo. He goin wipe out erybody dat stay alive still yet inside Ar town.”

Matthew 21:33

“Try lissen dis story fo you learn someting. Dis one bout da guy dat go plant one grape farm. He make one fence aroun um, an dig one hole inside da groun fo squeeze da grapes, an he build one watch towa. Den he rent da grape farm to some farma guys an go far away.

Daniel 7:18

But da ones dat stay spesho fo da God Dass Mo Importan Den All Da Odda Gods, goin be dem get da right fo be da king guys, an dey goin keep dat right foeva an eva.’

Isaiah 5:2

He dig up da groun, Take away all da stones dea, An plant good kine grape plants. He build one towa in da middo Wea his worka guys can watch um. He even cut da stone one place nea dea Fo step all ova da grapes Fo press out da juice fo make wine. He wen wait fo da good grapes get fruit. But wat wen come out was real sour kine grapes.

Isaiah 10:32

Da same day, da Assyria army guys goin stop by Nob town. Dey goin show an yell, “Up yoas!” from ova dea, Fo make da peopo come sked Dat live Jerusalem town on top Mount Zion.

Songs 48:3

God stay inside da strong buildings Dat stay dea. He make shua da peopo ova dea know Dat notting goin hurt dem, Cuz he jalike one strong building Fo dem too.

Songs 61:3

Cuz you da one take kea a me Fo me no get hurt. You jalike one strong fort, So dat da guys dat stay agains me No can wack me.

Micah 2:12

God tell: “Fo shua I goin bring all you Jacob peopo togedda, An bring togedda da Israel peopo dat stay still yet, Goin be jalike plenny sheeps inside one fence, Inside wea get green grass fo dem. Goin get plenny peopo ova dea.

Nehemiah 3:25

an Palal Uzai boy fix da odda side wea da wall stick out an wea da towa stay on top da house wea da King wen live befo time, da mauka side house nea to da open lanai dat da prison guard guys use. Nex to him, Pedaiah Parosh boy

Songs 24:7

Da peopo tell: “Open up da Temple gates! Da doors dat stay from befo time, Open um! Da awesome King, he like go inside!”

Love Song 4:4

Yoa neck look jalike da towa King David wen build, Dat stay real strong. Yoa necklace jalike da tousan shields dat hang on top dea, All from da army guys dat fight.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.