Micah 4:11 - Hawaii Pidgin Bible

¹¹ But now army guys from plenny countries Come togedda fo attack you guys. Dey tell, “Us guys like make pilau Zion Hill wea God stay, We like watch da peopo dat stay dea Wen dey stay suffa.”

Micah 4:11 交叉參考

Obadiah 1:12

No good you guys throw party fo laugh at yoa braddah Jacob guys, Wen dey get plenny trouble! No good you guys dance an sing Wen da Judah peopo come wipe out. No good you guys talk big an make fun Da time dey suffa plenny.

Micah 7:10

Den da peopo from odda lands dat stay agains me goin see dat, An dey goin come plenny shame in front erybody. Cuz dey wen make fun a me an tell, ‘Eh! Yoa God, Da One In Charge, wea he stay?!’ But I goin see dem lose face! Dey goin come jalike da mud dat get on top da streets, Wen peopo walk all ova um.

Jeremiah 52:4

Da year numba nine wen Zedekiah stay king, January 15, da Babylon king Nebukadnezzar come wit all his army guys fo fight Jerusalem. Dey make camps outside Jerusalem, an pile up dirt aroun da town wall fo dem go ova da top a da wall.

Songs 129:5

“All da peopo Dat hate us Jerusalem guys, Us guys like fo God Make um come shame An go home cuz dey da loozas.

Isaiah 10:7

“But da Assyria guys, dey no tink like me. Dey no make same kine plan jalike me. Dea plan, diffren kine, Cuz dey ony like wipe out eryting, An kill plenny diffren peopos.”

Isaiah 17:12

Bummahs! Plenny army guys stay make big noise Jalike da noise wen da rough ocean stay poun. Da armies from da diffren countries stay make noise, Jalike wen da watta stay come down from da mountain An no can stop um.

Isaiah 29:7

Dat time, da Jerusalem peopo Goin tink bout all da diffren armies Dat wen fight dem, An how dey wen try fo bus up Da strong wall aroun da town, An how dey wen make hard fo da peopo. Wen da Jerusalem peopo tink bout all dat, Goin be, jalike ony was one dream Dat dey wen see nite time.

Ezekiel 26:3

Az why me, Da One In Charge, da Boss, tell dis: “You Tyre peopo, I stay agains you guys. I goin bring plenny odda peopos agains you guys, jalike da big waves from da ocean poun you guys ova an ova.

Songs 83:5

Cuz da ones dat stay agains you, Come togedda fo figga out Wat dey goin do to you. An dey make one deal fo bus you up—

Ezekiel 38:17

“Dis wat me Da One In Charge, da Boss, tell: Fo shua, you Gog da one I wen talk bout befo time. I wen tell my worka guys, da ones inside Israel dat talk fo me fo talk bout you. Long time dey talk fo me lidat. My worka guys tell I goin make you go agains my Israel guys.

Zekariah 12:3

But dat time wen all da peopos inside da world goin go agains Jerusalem, I goin make da Jerusalem peopo come jalike one big rock dat nobody from all da odda peopos can move. Wen dey try move um, dey goin hurt ony dem.”