Micah 4:10 - Hawaii Pidgin Bible

¹⁰ Squirm an yell, you Jerusalem peopo! Jalike one wahine dat stay born one bebe. Cuz now you guys gotta go way from da big town, An stay inside da boonies. You guys goin go all da way to Babylon town. Az wea you guys goin get outa dis trouble. Az wea Da One In Charge goin do wat he gotta do Fo get you guys outa trouble From da powa dat da peopo Dat stay agains you guys get.

Micah 4:10 交叉參考

Isaiah 48:20

“Get outa Babylon town! Run away from da Babylon guys! Make big noise an dance an sing Cuz you stay feel good inside! Make da peopo hear dis All da way to da mos far place on top da earth! Tell dis: ‘Da One In Charge pay da price awready Fo get his worka guys, da Jacob ohana, outa trouble.’

Hosea 13:13

Da Efraim peopo hurt jalike one wahine born one bebe. But da bebe no like come outa da muddah!

Hosea 2:14

“Az why bumbye I goin make her like fo go wit me. I goin lead her back inside da boonies, An talk nice to her.

Isaiah 45:13

Wen I make Cyrus do stuff, Az da right ting fo me do. I goin make um easy fo him do um. He goin build my big town Jerusalem one mo time. He goin let my peopo dat was prisonas Go back home. But wen Cyrus go do all dat, He no do um cuz I goin pay um fo dat, Cuz I no goin pay um. He no goin do um fo unda da table kine money, Cuz I no goin give um dat.” Dass wat Da One In Charge tell, Da God Ova All Da Armies.

Isaiah 43:14

Dis, da message from Da One In Charge, Da One dat pay da price Fo get you guys outa trouble, Da Good An Spesho God fo da Israel peopo. He tell: “Fo help you guys, I goin sen army guys Babylon side. I goin make da Babylon peopo run away on top da boats Dat befo time dey make um look real nice. I goin make dem go down da Eufrates riva An run away.

2 Kings 20:18

An some a da kids dat goin come from you, dat get yoa blood, dat yoa wahines goin born fo you, dey goin take dem away too. Da Babylon guys goin make um so yoa boy kids no can get kids. Dey goin come worka guys fo da Babylon king, inside his palace.”

Jesus Show 12:14

God give her two wings jalike one big eagle fo fly to da place wea he wen make ready fo her inside da boonies. Ova dea he goin take kea her fo three an a half year, an da Dragon no can touch her.

Hosea 1:10

Bumbye da Israel peopo goin come plenny, jalike da sand on top da beach dat you no can eva count o measure um. But inside da same place wea I wen tell dem, ‘You guys not my peopo no moa,’ laytas peopo goin call dem ‘da peopo dat stay tight wit da God dat stay alive.’

Jeremiah 15:21

“I goin get you outa da trouble Dat da bad kine guys like make fo you. I goin buy you back so da guys no goin grab you An make you come sked.”

Songs 106:10

Wen da peopo dat hate da Israel guys Like hurt dem, God get um outa trouble. Da ones dat stay agains dem, He neva let dem go afta his peopo.

2 Records 36:20

He take all da odda peopo Babylon side, da ones dat da army guys no kill. Dey come slaves fo him an his boys, till da Persia king ovathrow da Babylon govmen.

2 Records 33:11

Az why Da One In Charge bring agains da Israel peopo da army leadas fo da Assyria king. Dey catch Manasseh, an make him prisona. Dey put one hook thru his nose, chain him up wit bronze metal leg chains, an make um walk all da way Babylon side.

2 Kings 25:4

Den da Babylon army guys broke thru da Jerusalem wall. Same time, all da Judah army guys leave da town, nite time. Dey no kea da Babylon guys stay all aroun da town. Dey go thru one gate in da middo a da two small kine walls nea da king garden, den dey run away go inside da Jordan Riva valley.

Jeremiah 29:20

“Az why you guys betta lissen wat I tell all you prisona guys dat I wen sen from Jerusalem to Babylon.

Jeremiah 48:41

Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Jeremiah 52:27

Ova dea, Riblah town Hamat side, da Babylon king tell his guys fo kill all dem. Az how da Judah peopo wen come prisonas an go way from dea land.

Micah 5:3

Dass how come Da One In Charge goin bag from da Israel peopo, But ony till da time da leada guy muddah goin born her bebe. Den da odda Israel guys dat still stay prisonas Goin come back togedda an join wit da Israel peopo.

2 Records 36:23

“Dis wat me, Cyrus da Persia king, tell: “ ‘Da One In Charge, da God inside da sky, wen give me da right fo stay in charge a all da kings an dea lands on top da earth. He da One wen pick me fo build one temple fo him inside Jerusalem, da main town inside Judah. If any one a you guys from all da peopo a Da One In Charge like go dea, I like fo you go, an I like fo yoa God, Da One In Charge, go wit you!’ ”

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jeremiah 13:4

“Take da linen kine malo you wen buy dat you stay wear aroun yoa wais, an go da Perat Stream. Hide um ova dea inside one big crack inside da rocks.”

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.