Micah 2:8 - Hawaii Pidgin Bible

⁸ But right now, my peopo go agains me. You guys rip off da rich kine clotheses From da peopo dat come by hea an no mo worry. Jalike wen guys come home from fight one war.

Micah 2:8 交叉參考

Isaiah 9:21

(An dis wat I mean: Da Manasseh ohana goin eat da Efraim ohana, An da Efraim ohana goin eat da Manasseh ohana. An togedda, dey goin eat da Judah ohana.) An Da One In Charge stay huhu wit da Israel peopo still yet, An he stay ready fo bus um up.

Songs 55:20

Da guy dat was my fren wen go hurt me Wen eryting was good wit me an him. He wen make jalike he no need fo do Wat he wen promise fo do.

2 Samuel 20:19

Me, I one a da Israel peopo dat get respeck fo da deal we all wen make fo no fight each odda, an fo be da kine peopo you can trus. But you, you stay trying fo kill all da peopo from dis town. Dis town stay jalike one muddah fo plenny small kine towns. So, how come you like wipe out da property dat Da One In Charge own, aah?!”

Jeremiah 12:8

Da peopo dat stay mines Come afta me Jalike one lion inside da fores. Jalike da lion stay make big noise at me. Az why I make to dem jalike I hate dem.

Micah 3:2

But you guys, you hate da good kine stuff, But get love fo da bad kine stuff! You guys pull da skin off my peopo An take da meat off dea bones!

Micah 3:3

Jalike you guys eat da meat off my peopo, You cut dea skin fo make strips. Afta dat you guys broke up Dea bones fo make um small. You cut um up an put um all inside one pot Fo cook da meat on top da fire.

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.