Micah 2:7 - Hawaii Pidgin Bible

⁷ But you Jacob ohana peopo, You guys tink az good you talk lidat, o wat?! You tink da Spirit a Da One In Charge come huhu too fas? You tink az how he do stuff, o wat? Da One In Charge tell: “Fo shua, wat I tell make good tings happen Fo da peopo dat do right kine stuff.

Micah 2:7 交叉參考

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Jeremiah 15:16

Wen I hear wat you tell, I lissen real good, Jalike I stay eat um up! All dat make me stay good inside, Make me like dance an sing. Cuz peopo know I stay tight wit you! Da One In Charge, you da God Ova All Da Armies!

Songs 15:2

Da One In Charge tell: “Fo get da right fo stay wit me, Dey gotta be da kine peopo Dat live so dat nobody can poin finga dem. Dey do da right ting erytime. Dey tell da trut erytime Cuz no mo notting inside dem dey like hide.

Zekariah 4:6

Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa!

Hosea 14:9

Erybody dat know wat fo do erytime, An know wass good an wass bad, Dey goin know an undastan All dis stuff I wen write. Cuz Da One In Charge erytime go da right way, An da peopo dat do wass right, Dey go da same way. But da peopo dat go agains Da One In Charge, Dey trip an fall down wen dey try fo go Da way God like um fo go.

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Smart Guys 28:18

Whoeva live so nobody can poin finga him, God goin help dat kine guy. But whoeva live crooked kine, Watevas he goin do, he goin fall down hard.

Smart Guys 10:29

Da peopo dat go all out fo do da right ting, Wen dey do stuff dat God like, God goin make shua notting happen to dem. But da bad peopo, wen dey do stuff God no like, God goin wipe dem out cuz a dat.

Smart Guys 10:9

Da peopo dat erytime do stuff da right way, Dey no need worry, notting bad goin happen to dem. Da peopo dat like make eryting come jam up, Erybody goin know how dey stay fo real kine.

2 Timoty 3:5

Dey goin ack jalike dey stay real religious, but dey tell erybody dea kine religion no mo powa. You gotta stay away from dat kine peopo.

2 Corint 6:12

We wen give you guys love an aloha, but you guys no give us love an aloha.

Rome 7:13

You tink was da Rules dat stay good cut me off fo no get um right wit God? No was da Rules! Was da bad kine stuff inside me dat show I wen broke da Rules. Dass wat cut me off from God! Da Rules stay real good, an dey show dat da bad kine stuff stay bad fo real kine. An dass how us guys get cut off an no get um right wit God. So wen God tell us guys how we gotta ack, dat show dat da bad kine stuff inside us guys az no good!

John 8:39

Dey tell him, “Abraham, he da faddah fo us guys!” Jesus tell dem, “If you guys was Abraham kids, den you guys suppose to do da kine stuff Abraham wen do.

Matthew 3:8

Jalike one fruit tree give same kine fruit, you guys gotta do da kine good stuff dat show you come sorry fo do all da kine bad stuff you stay do, an no do um no moa.

Micah 3:9

“Lissen up now, you leada guys dat come from Jacob, An you main guys dat stay in charge a da Israel ohana! You guys tink az pilau, wen da judges judge da right way! You guys take eryting dass right, An make um come all kapakahi.

Jeremiah 2:4

Lissen wat Da One In Charge tell, you Jacob peopo, all da ohanas inside da Israel house.

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Smart Guys 14:2

Da peopo dat live da right way, Dey show dey get choke respeck fo Da One In Charge. Da peopo dat stay do wrong erytime, Dey show dey no give a rip bout Da One In Charge.

Smart Guys 2:7

Wen peopo stay do da right ting, God make um fo dem figga how fo get outa trouble, An dass how he take kea dem. Da peopo dat erytime do stuff da right way, He no let notting hurt dem. He jalike one shield An notting can go thru him.

Songs 119:65

I one guy dat stay work fo you, An you do good tings fo me, Da One In Charge, Jalike you wen tell you goin do.

Census 11:23

Da One In Charge tell Moses, “Wassamatta you?! Me, Da One In Charge, an you tink I no mo enuff powa fo do dat?! Now you goin see if wat I tell goin happen fo you, o not!”

Songs 119:68

You good, dass why you do good tings. Teach me how fo do Da tings I gotta do.

Songs 18:26

Fo da peopo dat stay pono in front God, You show um dat you stay pono in front God too. But fo da sly buggahs, You show um dat you mo akamai den dem.