Matthew 9:12 - Hawaii Pidgin Bible

¹² Jesus hear dat, an he tell um, “Da guys dat not sick no need docta, ony da sick guys need docta.

Matthew 9:12 交叉參考

Luke 5:31

Jesus tell, “Da peopo dat not sick, dey no need docta. Ony da sick peopo need docta.

Luke 9:11

But all da peopo hear dat Jesus dem stay ova dea, az why dey go dea too. Jesus give da peopo his aloha. He tell um bout how dey can get God fo dea king, an he make da sick peopo come good.

Mark 2:17

Jesus hear dat, an he tell dem, “Da peopo dat not sick, dey no need docta. Ony da sick guys need. Me, I neva come fo tell da good kine peopo fo come by me fo be my guys. Az da peopo dat get one bad rep dat I tell fo come.”

Jeremiah 33:6

“But den, I goin make da peopo inside dis town come good an strong one mo time. I goin make shua dey see how eryting stay good fo dem, an no mo notting bodda dem.

Jeremiah 17:14

“Da One In Charge make me come good all ova, Fo me come good fo real kine! Get me outa trouble, Fo me stay outa trouble. Cuz you da One I talk good bout.

Songs 147:3

Wen dey stay real sore inside, He make um come good one mo time. Jalike he put one bandage On top da place dat stay hurt.

Hosea 14:4

Da One In Charge tell, “I goin make dem come good, No matta dey wen tell ‘Laytas’ to me. I goin show plenny love an aloha fo dem Cuz I no stay huhu wit dem no moa.

Jeremiah 30:17

But I goin make you guys come good. An make da places you bleed come good. Peopo call you guys, ‘Da guys dat no mo place fo go, Da ones dat go Mount Zion fo pray, But no mo nobody like take kea dem.’ ” Az wat Da One In Charge tell.

Luke 8:43

An had one wahine ova dea dat stay bleed twelve year. She wen pay eryting she get to da doctas, but nobody can make her come good.

Songs 41:4

Dis wat I wen tell: “Eh! You Da One In Charge! Dis me! I like you do someting good fo me! I like you make me come good. I sick cuz a all da bad tings I wen do agains you.”

Songs 6:2

Eh! You Da One In Charge! Be good to me, cuz my body stay weak! Make my body come good, Cuz I sked an shaking all ova.

Jeremiah 8:22

Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”

Colosse 4:14

Erybody get plenny love an aloha fo Luke, da docta guy. Him an Demas tell you guys “Aloha” too.

Matthew 18:11

“How you guys figga wat one farma guy goin do? If he get hundred sheeps, an one sheep stay lost, he goin let da ninety nine odda sheeps stay ova dea on top da hill, an go look fo da one sheep dat stay lost, aah? An I tell you dis too: wen he find um, he feel mo good inside fo da one sheep he wen find, den fo da ninety-nine sheeps dat neva get lost. [Me, I Da Guy Dass fo Real. I wen come fo take da guys dat stay lost outa da bad kine stuff dey stay do.]