Matthew 8:4 - Hawaii Pidgin Bible

⁴ Den Jesus tell him, “Make shua dat you no tell nobody bout dis. Go let da pries guy check you out. No foget make da kine sacrifice jalike Moses tell in da Rules From God. Den erybody goin know dat you stay good now, an you can pray wit da odda peopo.”

Matthew 8:4 交叉參考

Luke 17:14

Jesus see um an tell um, “Go tell da pries guys check you guys out.” An wen dey stay go, dey come clean from dea sick.

Luke 5:14

Den Jesus tell um, “Make shua you no tell nobody bout dis! Go by da pries guy fo him check you out dat you no mo da lepa kine sick. No foget make da kine sacrifice now, jalike Moses wen tell inside da Rules From God. Gotta do all dat, so erybody goin know you stay good now.”

Mark 7:36

Jesus tell dose guys, “No tell nobody bout dis!” But da mo he tell dat, da mo dey go tell.

Matthew 9:30

An right den an dea dey can see. Den Jesus tell um strait, “You guys betta not tell nobody notting bout dis.”

Mark 6:11

An if da peopo in da place no like you come an no like lissen you, wen you go outa dat town, shake da dus off yoa feet, fo show dat you no mo dus from dat no good place.”

Mark 5:43

Den he tell um, “You guys betta not tell nobody bout dis! Now go make her someting fo eat.”

Matthew 17:9

Afta dat, Jesus guys go down da mountain, an Jesus tell um, “You guys wen see someting real spesho. No tell nobody wat you guys wen see. I Da Fo Real Kine Guy. I goin mahke, an I goin come back alive afta I mahke. Ony den, you guys goin tell peopo wat you guys wen see.”

Matthew 10:18

Dey goin drag you guys in front govnas an kings cuz you my guys. Den you guys goin tell wat you know bout me in front dem, an in front da peopos dass not Jew guys.

Matthew 6:1

“Watch out! No good you make tantaran in front peopos wen you do da religious kine ceremonies, cuz you guys ony like peopo see da religious kine ceremonies dat you guys do. If you guys make lidat, yoa Faddah in da sky no goin give you guys notting.

Matthew 5:17

“No tink I stay hea fo get rid a da Rules From God an da stuff da guys dat talk fo God wen tell. I neva come fo wipe out da Rules From God. I come fo make eryting dey talk bout happen.

Isaiah 42:21

Fo real, Da One In Charge wen like make da Rules he teach importan an awesome. Dat make him feel good inside An show erybody dat he stay do da right kine ting.

John 8:50

I no try fo make peopo tink I awesome. Get anodda One dat show peopo how awesome I stay, an he da judge.

John 7:18

Da guy dat tell stuff dat come from his head, he ony like make peopo tink he awesome. But if one guy like peopo fo figga dat da one dat sen him stay awesome, dat guy stay tell da trut. He no bulai.

John 5:41

“I no need peopo fo tell me I awesome.

Luke 21:13

Den you guys goin get chance fo tell dem da Good Stuff From God.

Mark 8:30

Den Jesus tell his guys, “No go tell nobody dat I da Spesho Guy God Wen Sen.”

Matthew 16:20

Den he tell his guys, “Make shua you guys no tell nobody dat I da Christ Guy, da Spesho Guy God Wen Sen.”

Matthew 3:15

But Jesus tell, “Dass okay fo you baptize me, fo show we like do eryting da right way.” So John tell, “Shoots, we go den.” An he baptize Jesus.

Mark 13:9

“Watch out! Dey goin bring you guys in front dea leadas. Dey goin punish you guys wit whips inside da Jew churches. You guys goin stan in front da govnas an kings, cuz you my guys. An you goin tell um bout me.

Prieses 13:49

an if da mildew on top dese tings look kinda green o kinda red, az da kine mildew dat spread. You gotta show um to da pries guy.

Mark 3:12

But Jesus tell da spirits, “You guys betta not tell nobody who me.”

Mark 9:9

Afta dat, Jesus guys go down da mountain, an Jesus tell um, “No tell nobody wat you guys wen see. I da Fo Real Kine Guy. I goin mahke, an I goin come back alive afta I mahke. Den you guys can tell peopo wat you guys wen see.”

Luke 4:41

An da bad kine spirits no bodda plenny peopo no moa. Da spirits yell, “You God Boy!” Jesus scold da spirits, an neva let dem say notting, cuz dey know he da Spesho Guy God Wen Sen.

Luke 8:56

Dat blow dea mind. But Jesus tell um, “Eh! No tell nobody wat wen happen, aah.”

Luke 9:21

Jesus tell um, “You guys betta not tell nobody dat I da Christ Guy, da Spesho One God wen sen.”