Matthew 5:17 - Hawaii Pidgin Bible

¹⁷ “No tink I stay hea fo get rid a da Rules From God an da stuff da guys dat talk fo God wen tell. I neva come fo wipe out da Rules From God. I come fo make eryting dey talk bout happen.

Matthew 5:17 交叉參考

Isaiah 42:21

Fo real, Da One In Charge wen like make da Rules he teach importan an awesome. Dat make him feel good inside An show erybody dat he stay do da right kine ting.

Matthew 3:15

But Jesus tell, “Dass okay fo you baptize me, fo show we like do eryting da right way.” So John tell, “Shoots, we go den.” An he baptize Jesus.

Matthew 7:12

Az why, wateva you guys like peopo fo do to you guys bumbye, make lidat to dem, same ting, now. Dis eryting dat da Rules From God tell in da Bible, an eryting dat da guys dat talk fo God wen teach.

Luke 16:17

Goin be mo easy fo da sky an da earth disappea, den fo even one small word from da Rules From God fo disappea.

John 8:5

Moses wen tell us in da Rules, ‘Whoeva fool aroun behind da odda back, gotta throw big kine stones at um fo kill um.’ But you, Jesus, wat you tell?”

Jesus Guys 18:13

Da Jews tell da govna, “Dis guy, he stay make da peopo go down an pray to God da way dat stay agains oua Rules.”

Jesus Guys 21:28

Dey yell, “Eh! You Israel guys! Come help us! Dis da guy dat stay teach da peopo all ova da place fo go agains oua peopo, an agains oua Rules an oua Temple. Anodda ting, he wen bring guys dass not Jew guys inside da open lanai fo da Temple, an make dis place dat stay spesho fo God come all pilau so no can pray dea.”

Jesus Guys 6:13

Den dey bring odda guys fo bulai bout him an tell, “Dis guy still yet no like pau talk bad bout da Temple dat stay spesho fo God, an bout da Rules From God.

Rome 10:4

Christ wen do eryting fo make us come right wit God. Dass wat da Rules wen try fo do, but dat neva get da powa fo do um. So whoeva trus Christ, dey da ones goin get um right wit God.

Rome 3:31

You tink dat wen we trus God, dat mean we make da Rules From God good fo notting? No ways! We make da Rules come mo solid.

Rome 8:4

God sen Christ fo mahke fo us guys. Az why us guys can do all da right kine stuff da Rules From God tell we gotta do. Now, we no live da way we live befo time wen we do wat we like do. We live da way God Spirit like fo us live.