Matthew 26:49 - Hawaii Pidgin Bible

⁴⁹ So Judas go by Jesus an tell, “Aloha, Teacha!” an he kiss um.

Matthew 26:49 交叉參考

1 Tessalonika 5:26

Tell all oua braddahs an sistahs “Aloha!” fo us guys, an go give um one hug an kiss cuz dey stay spesho fo God.

Matthew 26:25

Judas, da guy dat goin set him up, he tell, “Eh Teacha! Fo shua, dass not me, aah?” Jesus tell him, “You da guy.”

John 19:3

An dey come in front him, an tell, “Eh! King fo da Jews!” An dey slap his head.

Luke 7:45

You neva tell ‘Aloha’ an give me one kiss, but wen I come inside yoa house, dis wahine no pau kiss my feets.

Mark 15:18

Den dey tell, “Ho! Check um out! Da King fo da Jews!”

Smart Guys 27:6

Wen yoa good frenz tell you, You wen do someting wrong, You feel jalike dey make you bleed, But still yet, you can trus dem. Wen somebody dat hate you kiss you plenny time Az cuz dey stay bulai you.

2 Samuel 20:9

Joab tell Amasa, “Howzit, brah?” Den Joab take Amasa by da beard wit his right hand, an make jalike he goin kiss him.

1 Samuel 10:1

Den Samuel take some olive oil dat he get inside one small clay kine pitcha, an pour um on top Saul head, an he kiss Saul on his face. Samuel tell, “Da One In Charge wen pick you fo come da leada ova his peopo, you know.

Start 27:26

Den Isaac tell his boy Jacob, “Now, my boy, come nea an kiss me.”

Matthew 23:7

Dey like da peopo fo talk to dem wit respeck inside da open market, an fo call um ‘Teacha.’

Matthew 23:8

“But you guys, no let da peopo call you guys ‘Teacha.’ You guys get ony one Teacha, da Spesho Guy God Wen Sen, az why. An you guys stay braddah braddah.

Matthew 26:48

Befo time, Judas wen tell, “Da guy I goin kiss, az da guy. Grab um an tell da police guys fo take um!”

John 4:31

Same time Jesus guys stay beg him, “Teacha, come eat!”