Matthew 24:35 - Hawaii Pidgin Bible

³⁵ Da world an da sky goin go way, but da tings I tell no goin go way foeva.

Matthew 24:35 交叉參考

Songs 102:26

All dat goin come wipe out, But you goin stay foeva. All dose tings, dey goin come poho. You goin change um jalike clotheses, An dey no goin stay no moa.

Songs 119:89

Eh! You Da One In Charge! Wat you tell, Stay true foeva. An even inside da sky, Wat you tell stay solid.

Songs 19:7

Da way Da One In Charge teach, Eryting come out how suppose to do. Wen you do wat he teach, Jalike he make you come all new inside one mo time. Da rules Da One In Charge give, you can trus um. Dass how you goin know wat fo do erytime, Even if you donno right now wat fo do.

Songs 89:34

I no goin stick finga At da deal I wen make wit him. I no goin change wat I wen tell.

Smart Guys 30:5

Eryting God tell, You know az true Wen you trus him fo take kea you. He jalike one shield fo you no get hurt.

Isaiah 34:4

All da stars inside da sky goin come jalike dey rotten. Da whole sky goin roll up, jalike peopo roll up one paypa. All da stars goin fall down, Jalike da leaf fall down from one grape plant wen stay dry, An jalike da dry up fig fruits fall down from one tree.

Isaiah 40:8

Da grass come all dry, An da flowas come poho an fall down, But wat oua God tell, Dat goin stay foeva.

Isaiah 51:6

Look up to da sky. Look down at da earth. Da sky goin go way, jalike smoke. Da earth goin come boros, jalike da boros clotheses. All da peopo on top da earth goin mahke, jalike small bugs. But I goin get my peopo outa trouble all da time. I still yet goin do wass right fo da peopo, all da time.

Isaiah 54:10

No matta no mo da mountain An da hills shake, Da way I stay tight wit you guys, Dat no goin change, An da deal I wen make wit you guys Fo make shua eryting stay good fo you, Dat goin still stay solid.” Dass wat Da One In Charge tell. He get love an pity fo you guys.

Isaiah 55:11

Dass jalike da tings I tell! Wen da words go out from my mout, Fo shua, I know Az not wase time! Da tings I tell, goin do wat I like um fo do, An make happen Wat I sen um fo make happen.”

Daniel 4:28

All dis kine stuff wen happen to King Nebukadnezzar.

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Matthew 5:18

Dass right! An I tell you guys dis too: Da sky an da world no goin change notting befo eryting da Rules From God tell goin happen. Not even one dot o one small line a da Rules From God goin change till da Rules do wat suppose to do.

Mark 13:31

Da sky an da world goin go way, but da tings I tell no goin go way foeva.

Luke 21:33

Da sky an da earth goin go way, but wat I tell no goin go way, eva.

Titus 1:2

Us guys can trus God. An we can know da trut. Az cuz we know fo shua dat bumbye God goin give us da real kine life dat goin stay to da max foeva! Az why us can wait lidat. God, from da time he wen make da world, he wen promise dat kine life. An he no bulai, you know.

1 Peter 1:25

But wat Da One In Charge tell, Goin stay foeva.” You know, wat God tell, dass da kine Good Stuff us wen tell you guys.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.

Jesus Show 3:14

Den da One I wen see tell me, “Da messenja guy I wen sen fo help da peopo dat come togedda fo church Laodicea side, write one letta to him, an tell um dis: “Da One dat stay true, he tell eryting jalike happen fo you trus wat he tell. He da one wen start eryting dat God make inside da world. Dis wat he tell:

Jesus Show 6:14

Da sky move away, jalike wen you roll up one paypa! All da mountains an all da islans move to diffren place.