Matthew 23:7 - Hawaii Pidgin Bible

⁷ Dey like da peopo fo talk to dem wit respeck inside da open market, an fo call um ‘Teacha.’

Matthew 23:7 交叉參考

John 1:38

Jesus turn aroun an see dem stay going wit him. He tell, “Eh, wat you guys looking fo?” Dey tell, “Rabbi, wea you stay staying at now?” (“Rabbi,” dat mean “Teacha” dea language.)

John 1:49

Den Natanael tell him, “Teacha, you God Boy fo real kine! You da King fo da Israel peopo!”

John 20:16

Jesus tell, “Eh, Mary!” She turn aroun an tell, “Rabboni!” Dass how da Jew guys tell, “Teacha!”

John 6:25

Dey find Jesus da odda side a da lake, an dey tell, “Eh, Teacha! Wen you wen come ova hea?”

John 3:26

So dey go by John an tell um, “Teacha, you know da guy dat wen stay by you ova dea, da odda side a da Jordan Riva, an you tell us bout him? Look! Erybody stay go ova dea, an he stay baptize um.”

John 3:2

One nite he go by Jesus an tell um, “Teacha, us guys know dat you one teacha dat come from God, cuz nobody can show us da kine awesome stuff you stay do, if God no stay wit him.”

Mark 10:51

Jesus tell, “Wat you like me do fo you?” Da blind guy tell, “Teacha! I like see!”

Mark 9:5

Den Peter tell Jesus, “You know wat, Boss? Good we stay ova hea! If you like, I make shacks ova hea, one fo you, one fo Moses, one fo Elijah.”

Matthew 23:8

“But you guys, no let da peopo call you guys ‘Teacha.’ You guys get ony one Teacha, da Spesho Guy God Wen Sen, az why. An you guys stay braddah braddah.

Matthew 11:16

“But peopo nowdays, how dey stay? Dey jalike da kids dat stay sit inside da open market place, an yell to dea frenz,

Matthew 26:25

Judas, da guy dat goin set him up, he tell, “Eh Teacha! Fo shua, dass not me, aah?” Jesus tell him, “You da guy.”

Matthew 26:49

So Judas go by Jesus an tell, “Aloha, Teacha!” an he kiss um.

Mark 11:21

Peter rememba, an tell Jesus, “Eh, Teacha! Look da kine! You wen put kahuna on da fig tree, an now, all dry up!”

Mark 12:38

Wen he stay teach, he tell, “Watch out fo da teachas dat teach da Rules From God! Dey like wear rich kine clotheses. Dey like da peopo talk to dem wit respeck inside da open market.

Mark 14:45

Real fas, Judas go by Jesus an tell, “Aloha, Teacha!” an kiss him.

Luke 11:43

“Wassamatta you Pharisee guys?! You guys goin get it! You guys erytime like fo sit down in da spesho chairs inside da Jew churches, an you like fo all da peopo talk nice to you in da open market.

John 4:31

Same time Jesus guys stay beg him, “Teacha, come eat!”

John 9:2

Da guys Jesus stay teach aks him, “Eh, Teacha! Who wen do bad kine stuff, dis guy o his muddah an faddah? Az why he born lidat, aah?”

John 11:8

Da guys Jesus stay teach tell him, “Eh, Teacha, ony short time befo dis da Jew guys like throw stone at you fo kill you. An you still like go back ova dea one mo time?”